قۇلاق كۇتىمگە ٴزارۋ

قۇلاق – ەستۋ مۇشەسى. اناتوميالىق قۇرىلىمىنا قاراي قۇلاق سىرتقى، ورتاڭعى جانە ىشكى بولىمدەردەن تۇرادى.

ادەتتە، قۇلاقتىڭ سىرتقى دىبىس جولىنىڭ بەزدەرىنەن ق ۇلىق بولىنەدى. ق ۇلىق شاڭ-توزاڭ مەن زياندى ميكروبتاردى ىشكە وتكىزبەي كورعانىشتىق كىزمەت اتقارادى.ەستۋ مۇشەسىنىڭ قالىپتى جۇمىس ىستەۋى الدىمەن تازالىق ساقتاۋعا بايلانىستى. ول ٴۇشىن قۇلاقتى سابىنداپ جىلى سۋمەن جۋىپ تۇرۋ كەرەك. ەستۋ مۇشەسىنە ىشىمدىك وتە زيان.

قاتتى دىبىس تا قۇلاقتىڭ جاۋى. ٴبىزدىڭ قۇلاعىمىز 40-45 دەسيبەل شاماسىنداعى دىبىستاردى قالىپتى قابىلدايدى. ساعاتىنا 30-40 كم جىلدامدىقپەن قوزعالاتىن كولىك 55 دەسيبەل شاماسىندا، وياتقىش قوڭىراۋ — 80 دەسيبەل، موتوسيكل – 85 دەسيبەل، روك-كونسەرت – 90 دەسيبەل، ىسكە قوسىلعان ۇشاق قوزعالتقىشىنىڭ قۋاتى 120 دەسيبەل شاماسىندا دىبىس شىعارادى. قورعانىس قۇرالدارىنسىز ولاردىڭ جانىندا ٴبىراز تۇرعاننان سوڭ، قۇلاقتىڭ ەستىمەي قالۋى ابدەن مۇمكىن. ۇزاق ۋاقىت بويى اسەر ەتكەن جاعدايدا قارقىنى تومەن (85 دەسيبەلدەن كەم) دىبىستار دا ٴقاۋىپ توندىرەدى. ادام كۇنى بويى قۇلاققاپپەن جۇرسە، ەستۋ قابىلەتى كۇرت ناشارلايدى.

قۇلاققاپتى قۇلاقتى ساقتايتىن قۇرالمەن اۋىستىرۋدى ۇمىتپاڭىز. تىعىندىلار كەز-كەلگەن قاتتى داۋىستان قورعايدى. الايدا قۇلاقتى ساقتاۋ قۇرالى قىشىپ دۋىلداۋعا اكەلىپ سوعۋى مۇمكىن، بۇل جايت دىبىس جولدارى تەرىسىنىڭ تىنىس الۋىنىڭ بۇزىلعاندىعىنىڭ بەلگىسى.

ەستۋ دارەجەسىن تەكسەرىپ تۇرىڭىز. شامامەن العاندا ادام قۇلاعىنا قولساعاتتىڭ داۋىسى ەستىلۋى كەرەك. بىلاي دا باقىلۋعا بولادى: بىرەۋدى 6 مەتر قاشىقتىقتان سويلەتىپ، ونىڭ سىبىرلاپ ايتقان سوزدەرىن قايتالاپ كورىڭىز. ەستي الساڭىز، جاقسى. ەستي الماساڭىز، دارىگەرگە قارالىڭىز.
توقىما ٴوندىرىسىنىڭ جۇمىسكەرلەرى، تەگىستەۋشىلەر، بۇرعىشىلار وتورالارينگولوگ-دارىگەرلەردىڭ تۇراقتى پاسيەنتى. بۇل ولاردىڭ ماماندىقتارىنىڭ ەرەكشەلىكتەرىنە بايلانىستى. ٴبىراق، قازىرگى تاڭدا ولاردىڭ قاتارىنا وقۋشىلار مەن ستۋدەنتتەردىڭ دە قوسىلعاندىعىن وكىنىشپەن ايتۋعا بولادى. ٴقازىر جاستار قۇلاققاپ ارقىلى مۋزىكانى كوپ تىڭدايدى. زەرتتەۋگە سۇيەنسەك، كۇن سايىن ٴبىر-تورت ساعات بويى ٴۇزىلىسسىز اۋەن تىڭداعان ادامنىڭ ەستۋ قابىلەتى تومەندەيدى ەكەن، ول بىرتە-بىرتە كەرەڭدىككە اپارىپ سوعادى.

جۇقپالى اۋرۋلار دا ەستۋ قابىلەتىنە وزىنشە اسەر ەتەدى. تۇماۋ، پاروتيت، قىزىلشا سياقتى اۋرۋلار قۇلاقتىڭ قابىنۋىنا سوقتىرادى. قان جولدارىنداعى اۋىتقۋلار دا وتە ٴقاۋىپتى. قان ۇيۋى سالدارىنان دا ادام كەرەڭ بولۋى مۇمكىن.

قاتتى شۋدان قۇلاققاپ-انتيفون كيىپ نەمەسە ەستۋ جولدارىنىڭ ٴپىشىنىن قايتالايتىن جانە ٴقاۋىپتى دىبىستاردان سەنىمدى ساقتايتىن سيليكوندى تىعىندار پايدالانۋ كەرەك. ونداي مۇمكىندىك بولماعان جاعدايدا ماقتانى مايلاپ، قۇلاقتى تىعىنداۋعا بولادى، بۇل اعزانى جوعارى دەسيبەل اسەرىنەن ساقتايدى.
كولىكتە مۋزىكا تىڭداۋعا اۋەس بولماعان ٴجون. تۇماۋلاتىپ جۇرگەن بولساڭىز، پلەيەردى مۇلدەم تىڭداماعان ابزال. قان قىسىمى دەڭگەيىن باقىلاۋدا ۇستاڭىز.

date06.02.2017readCount3810printباسىپ شىعارۋ