سوزىلمالى حولەسيستيتتى قىمىزبەن ەمدەۋ

حولەسيستيت – ٴوت قابىنىڭ ٴجىتى نەمەسە سوزىلمالى سىرقاتى، ول ٴوتتاس اۋرۋىنا ٴتان. حولەسيستيت ٴوت قابىنا پاتوگەندى ميكروفلورانىڭ ەنۋى جانە ٴبىرقاتار وزگە فاكتورلار سالدارىنان داميدى.

سوزىلمالى حولەسيستيت، حولانگيت جانە ٴوت ٴبولۋ جولدارىنىڭ ديسكينەزياسى كەزىندە اقۋىزى مەن كومىرتەگى قالىپتى، ليپوتروپتىق زاتتارى جوعارى جانە مايلاردىڭ مولشەرى شەكتەلەتىن ەمدام ۇسىنىلادى.
ەمدامگە قىمىز بەن شۇبات قوسۋ كۇندەلىكتى ٴدامدى بايىتا تۇسەدى ٴارى ورتاشا قارقىندى ٴوت ايداۋ، قابىنۋعا قارسى، سپازموليتيكالىق اسەر بەرەدى.
ت.ش.شارمانوۆ پەن ا.ك.جانعابىلوۆ قىمىزدىڭ ٴوت قابىنىڭ موتورلىق قىزمەتىنە اسەرىن سوزىلمالى حولەسيستيتى جانە حولانگيتى بار 52 ناۋقاستا زەرتتەدى. 40 كۇن بويى قىمىزبەن ەمدەلگەن سوڭ 27 ناۋقاستىڭ 21-دە برومسۋلفالەندىك سىناعى قالىپقا كەلدى. قىمىزدى قولدانا وتىرىپ حولەسيستوگرافيا 52 ناۋقاستىڭ 45-نە جاسالدى، ولاردىڭ 30-دا رەنتگەنولوگيالىق ناقتاما – ٴوت قابىنىڭ موتورلىق قىزمەتىنىڭ السىرەۋى.
ٴوز باقىلاۋلارىن نەگىزگە الا وتىرىپ اۆتورلار قىمىزدىڭ ٴوت ايداعىش اسەرى بار جانە باسقا قاسيەتتەرىمەن بىرگە حولەسيستوگرافيا كەزىندە جانە ٴوت قابى مەن ٴوت جولدارى سىرقاتتارى كەزىندە ەمدىك ماقساتتا قولدانىلا الادى دەگەن قورىتىندىعا كەلدى. قىمىز جانە شۇباتپەن جاسالعان ەمنىڭ اسەرىمەن ٴوت ٴبولۋ جولدارىنىڭ ديسكينەزياسىمەن قاتار سوزىلمالى حولەسيستيتى بار ناۋقاستاردا جەرگىلىكتى اۋىرسىنۋ سيندرومدارى باسەڭدەگەن، ٴوت اعۋى جاقسارعان، ونىڭ تۇرىپ قالۋى، ٴوت شىعارۋ جولدارىنداعى، ٴوت قابىنداعى قابىنۋ ازايعان.
ٴوت شىعارۋ جولدارىنىڭ سىرقاتتارى (تاس بايلانباعان سوزىلمالى حولەسيستيت) بار ناۋقاستاردى قىمىزدى قوسا وتىرىپ، كەشەندى ەمدەۋ كەزىندە ٴوت سەكرەسياسى مەن ٴوت قابىنىڭ موتورلىق قىزمەتىنىڭ قالىپقا كەلگەندىگى بايقالعان.

ز.س. سەيىتوۆ،
بيولوگيا عىلىمىنىڭ دوكتورى

densaulyq.kz
date17.01.2017readCount2486printباسىپ شىعارۋ