يممۋنيتەتتى قالاي تەكسەرۋگە بولادى؟

اعزانىڭ قورعانىسى ۋاقىتشا السىرەۋ كەزەڭدەرى كەز-كەلگەن ادامنىڭ ومىرىندە بولادى. ال جاس وتكەن سايىن بارلىعىندا يممۋندىق تاپشىلىق جانە دەنساۋلىقتىڭ ناشارلاپ، اللەرگيالىق، سۋىق جانە باسقا دا كوپتەگەن اۋرۋلارعا بەيىمدىلىگى باستالادى. بۇگىنگى مەديسينانىڭ فارموكولوگيالىق رەۆوليۋسياسى: انتيبيوتيكتەر يممۋنوتەراپيانى اۋىستىرىپ كەلەدى. عالىمدار اعزانى ىشتەن ساۋىقتىرىپ، دەنساۋلىقتى قالپىنا كەلتىرەتىن ٴادىستى تاپتى. ٴوز يممۋنيتەتىڭىزدى قالاي تەكسەرۋگە بولادى؟

ٴوزىڭىزدىڭ يممۋنيتەتىڭىزدىڭ قانداي دەڭگەيدە ەكەنىن ٴبىلىپ، سىزگە يممۋنولوگ ماماننىڭ كومەگىنە جۇگىنۋ كەرەك پە؟ وسىنى ٴبىلۋ ٴۇشىن سىزدەرگە يممۋنيتەتتى تەكسەرەتىن تەست ۇسىنامىز. بارلىق سۇراقتارعا ٴيا نەمەسە جوق دەپ جاۋاپ بەرىپ، سوڭىندا قانشا ۇپاي جيناعانىڭىزدى ساناۋ قاجەت.

1.ۇنەمى سپورتپەن اينالىساسىزبا؟

2.سۋىق كەزدە تەز توڭىپ، اياق-قولىڭىز ۇنەمى سالقىن بولىپ جۇرە مە؟

3.سترەسسپەن بەلسەندى كۇرەسىپ، كەز-كەلگەن نارسەگە رەنجي بەرەسسىز بە؟

4.جىلىنا 4 رەت سۋىقتاپ اۋىراسىز با؟

5.كەز-كەلگەن اۋرۋدا دارى-دارىمەك پايدالاناسىزبا؟

6.كۇندەلىكتى راسيونىڭىزعا جەمىس-جيدەك جانە كوكونىس، ال كوكتەمدە جانە قىستا دارۋمەندەر قابىلدايسىز با؟

7.ٴسىزدىڭ دوستارىڭىز كوپ، جانە ادامدارمەن جاقسى ارالاساسىز با؟

8.ٴسىز وتباسىڭىزدىڭ ومىرىنە قاناعاتتاناسىز با؟

9.تازا اۋادا تۇراقتى تۇردە سەرۋەندەيسىز بە؟

10.ٴسىز شىلىم شەگەسىز بە؟

11.كەيدە كوڭىل كۇيگە بايلانىستى جاقسى شاراپ ىشەسىز بە؟

12.تۇرعىلىقتى جەرىڭىز – قالا؟

13.دەنە ٴپىشىنىڭىزدى قاداعالايسىز با؟

14.قوعامدىق كولىكتى ٴجيى پايدالاناسىز با؟

15.جۇمىس ىستەيتىن ۇجىمىڭىز ۇلكەن بە؟

16.ٴبىر كۇندە 1،5 ليتر سۋ ىشەسىز بە؟

17.جىلى بولمەدە كوپ ۋاقىت تۇرا الاسىز با؟

18.اۋىر جانە جۇيكەگە سالماق تۇسىرەتىن جۇمىس ىستەيسىز بە؟ ٴۇي شارۋاسىنىڭ بارلىعى ٴسىزدىڭ موينىڭىزدا ما؟

19.مونشا مەن ساۋناعا ٴجيى بارىپ تۇراسىز با؟

 ەندى ۇپايدى ەسەپتەۋ قاجەت.

1، 3، 6، 7، 8، 9، 11، 13، 16 وسى سۇراقتارعا ٴيا دەپ جاۋاپ بەرسەڭىز، ٴاربىرىن 1 باللدان ەسەپتەڭىز.

2، 4، 5، 10، 12، 14، 15، 17، 18، 19 وسى سۇراقتارعا جوق دەپ جاۋاپ بەرسەڭىز، ٴاربىرىن 1 باللدان ەسەپتەڭىز.

جيناپ الىنعان ۇپاي سانى. ەگەر ٴسىز:

1-دەن 6 باللعا دەيىن – ٴسىزدى يممۋندىق جۇيەڭىز وتە ٴالسىز. ٴجيى سەلقوستىق بايۇالىپ، اپاتيا سەزىنەدى. اعزاڭىزدىڭ قورعانىسىن قالپىنا كەلتىرۋ ٴۇشىن، سىزگە يممۋنولوگ دارىگەردىڭ كەڭەسى قاجەت.

7-دەن 12 باللعا دەيىن – ٴسىزدىڭ قورعانىس جۇيەڭىزدە كەمشىلىكتەر بار. سىزگە ٴومىر سالتىڭىزبەن ديەتاڭىزدى وزگەرتۋ قاجەت. تازا اۋادا كوبىرەك سەرۋەندەپ، دارۋمەندەرگە باي تاعامداردى جەپ، تاڭەرتەڭ دۋش قابىلداۋ قاجەت. بۇل شاعىن تۇزەتۋلەر يممۋندىق جۇيەڭىزدى نىعايتادى.

13-تەن 18 باللعا دەيىن – ٴسىزدىڭ يممۋندىق جۇيەڭىز كۇشتى. ٴسىز سيرەك اۋىراسىز، اۋرۋ بولا قالسا، اسقىنۋلارى بولماي، جەڭىل ٴوتىپ كەتەدى. ٴسىزدىڭ كۇشىڭىز كوپ، جانە ەنەرگياعا بايسىز. ٴسىز ٴوز دەنساۋلىعىڭىزعا جاقسى كۇتىم جاسايسىز. سولاي جالعاستىرا بەرىڭىز!

date09.01.2017readCount6836printباسىپ شىعارۋ