قورىلداۋدان قۇتىلۋ جولدارى

قورىلداۋدىڭ ٴوزىڭ ٴۇشىن دە، قاسىڭداعى ادام ٴۇشىن دە جاعىمسىز جاعى كوپ ەكەنى راس. قاسىڭىزداعى ادامعا ۇيىقتاۋعا كەدەرگى جاساساڭىز، ال ٴوزىڭىز مۇنداي «اۋەننەن» ٴجيى ويانىپ، مازاسىزدانىپ شىعۋىڭىز مۇمكىن. ەڭ باستىسى، قورىلداۋ – دەنساۋلىقتا كىنارات بار ەكەنىنىڭ كورسەتكىشى.

كوبىنەسە، ارتىق سالماعى بار ادامدار قورىلدايدى. ونى سەبەبى  قالىڭ مايلى تىندەردىڭ اۋانى دۇرىس وتكىزبەۋىندە. سالماقتى تومەندەتۋ ارقىلى قورىلدان قۇتىلىپ قانا قويماي، اعزاعا تۇسەتىن جۇكتەمەسىن دە ازايتۋعا بولادى.

ەگەر قورىلداۋدىڭ باستى سەبەبى ەندوكريندى جۇيەنىڭ نەمەسە جۇيكە جۇيەسىنىڭ  قىزمەتىنىڭ ناشارلاۋىندا بولسا، وندا ونى ٴۇي جاعدايىندا ەمدەۋ مۇمكىن ەمەس. مۇندايدا دارىگەرگە قارالىپ، اۋرۋحاناعا جاتىپ ەمدەلۋگە تۋرا كەلەدى. ەگەر ٴسىز باس سۇيەكتەرىنىڭ قۇرىلىمى دۇرىس بولماعاندىقتان قورىلداساڭىز، سىزگە پلاستيكالىق وتاعا جۇگىنۋ قاجەت.

قورىلدىڭ تاعى ٴبىر سەبەبى، مۇرىننىڭ بىتەلۋى بولۋى مۇمكىن. وندايدا ٴدارىحانادا ساتىلاتىن ارنايى دارىلەردى ساتىپ الىپ، قولدانىڭىز نەمەسە تاناۋىڭىزعا شىرعاناق (وبلەپيحا) مايىنان بىرنەشە تامشى تامىزعانىڭىز ٴجون.

سونىمەن قاتار، تۇندە ىڭعايسىز جاتىپ قالۋ دا قورىلداۋدىڭ سەبەبى بولۋى ابدەن مۇمكىن. ادەتتە ادام شالقاسىنان جاتقان كەزدە قورىلدايدى. ٴبىراق، بۇلاي جاتۋ دۇرىس ۇيىقتاۋدىڭ ٴبىر العىشارتى بولىپ تابىلادى. ەگەر ٴسىز شالقاسىنان جاتقان كەزدە قورىلداساڭىز، بۇل دەنساۋلىقتىڭ ناشارلاعىنىن نەمەسە ارتىق سالماقتى بىلدىرەدى. قانداي جاعداي بولماسىن، مۇندايدا قالاي دۇرىس جاتسام دەگەننەن گورى، قورىلدىڭ سەبەبىن جويعان دۇرىس.

قورىلاۋدىڭ تاعى ٴبىر سەبەبى شىلىم شەگۋ مەن ىشىكمدىككە اۋەستىك. ولار ادامنىڭ كومەيىندەگى بۇلشىقەتتەردى السىرەتىپ، تەرىس اسەر ەتەدى. سوندىقتان شىلىم شەگۋدەن باس تارتقان ٴجون. 

ۇيىقتايتىن بولمەدەگى قۇرعاق اۋا دا قورىلدىڭ پايدا بولۋىنا اسەر ەتەدى. سوندىقتان جاتار الدىندا بولمەنى جاقسىلاپ جەلدەتكەن دۇرىس.

قورىلمەن كۇرەسۋدىڭ تاعى ٴبىر جولى بار. بۇل قىتاي ٴادىسى ادامنىڭ ىشكى اعزاسىنا اسەر ەتەتىن ەرەكشە نۇكتەلەرگە ماسساج جاساۋعا نەگىزدەلەدى. ٴبىراق ەم ناتيجەلى بولۋ ٴۇشىن، قورىلدى كۇشەيتىپ وتىرعان سەبەپتى تابۋ كەرەك. ول ٴۇشىن، ارينە، دارىگەرگە قارالعان دۇرىس.

سونداي-اق، قورىلدان قۇتىلۋدىڭ ٴداستۇرلى جولدارى دا بار. مىسالى، ورامجاپىراقتىڭ بال قوسىلعان شىرىنى. ٴبىر ستاقانىن ۇيىقتار الدىندا ٴىشۋ كەرەك.

قورىلدان ارىلۋدىڭ تاعى ٴبىر تەكسەرىلگەن ٴادىسى – ٴان ايتۋ. كوڭىلدى ٴارى پايدالى بۇل ٴىستىڭ نەگىزگى قىزمەتى – كومەيدەگى بۇلشىقەتتەرگە كۇش ٴتۇسىرۋ. ال، كومەيدىڭ مىقتى بۇلشىقەتى قورىلداۋعا ەشقاشان جول بەرمەسى انىق. ەگەر ٴان ايتۋدى جانىڭىز قالاماسا، وندا مىنا ٴبىر ٴتيىمدى جاتتىعۋدى جاساساڭىز بولادى. اۋىزدىڭ بۇلشىقەتىنە سالماق ٴتۇسىرىپ تۇرىپ، «ي» دىبىسىن شىعارىڭىز. بۇل جاتتىعۋدى ۇيقى الدىندا جانە ويانعان سوڭ، 25-30 رەت قايتالاۋىڭىز كەرەك.

قورىلمەن كۇرەستىڭ بارلىق ٴادىسىن قولدانىپ، ەشقانداي ناتيجە كورمەسەڭىز، لازەرلى تەراپياعا جۇگىنۋىڭىزگە بولادى. بار-جوعى 15 مينۋتقا سوزىلاتىن وپەراسيا قورىلدى سىزگە جولامايتىنداي ەتىپ كومەكتەسە الادى. 

date21.12.2016readCount3551printباسىپ شىعارۋ