تابانداعى بەلسەندى نۇكتەلەر – ساۋىعۋدىڭ كەپىلى

اياققا كۇنى بويى كۇش تۇسەتىندىكتەن قاتتى شارشايدى. كەشقۇرىم ۋاقىتتا. اسىرەسە. بيىك وكشەلى اياق كيىمدى ۇناتاتىن ايەلدەر قاۋىمى اياق شارشاۋىنان زارداپ شەگەمىز. وسىندايدا تابان ماسساجى اياققا تۇسكەن اۋىرتپالىقتان ارىلتۋعا كومەكتەسەدى جانە ونى تەك قانا سول ٴۇشىن جاساماۋ كەرەك!

رەفلەكسولوگيا قاعيدالارىنا سايكەس، اياق تاباندارىندا اعزانىڭ دۇرىس جۇمىس جاساۋىنا جاۋاپ بەرەتىن نەگىزگى نۇكتەلەر ورنالاسقان. اياقتاردى ۋقالاۋ سياقتى قاراپايىم ارەكەت دەنەنىڭ ٴار ٴتۇرلى مۇشەلەرىندەگى اۋرۋ تۋرالى ۇمىتۋعا كومەكتەسەدى. ايرىقشا ايماقتارعا اسەر ەتۋدىڭ ارقاسىندا ىشكى ورگاندارعا قان اعىنى كەلىپ، دەنساۋلىققا قاتىستى كوپتەگەن ماسەلەلەردى شەشۋگە مۇمكىندىك بەرەدى.

اياق ماسساجى

اياقتاردا ورنالاسقان جۇيكەلەر ساۋىعۋدىڭ ماڭىزدى قۇرالى. قيىر شىعىستىق مەديسينادا تابان جانە ساۋساق ماسساجى پاناسەيا (بارلىق اۋرۋدان قۇتقاراتىن امبەباپ ٴدارى) دەپ سانالادى. مۇنداي پروسەدۋرانى كەشكە جاساي وتىرىپ، كۇش اعىنىن سەزىنۋمەن قاتار، تۇنگى ۇيقىدا تولىققاندى دەمالاسىز جانە تاڭەرتەڭ سەرگەك وياناسىز. بۇل تەك قانا پايدالى تەراپيا ەمەس، ول جانعا وتە جاعىمدى تەراپيا.

اياق ماسساجىن جاساۋدىڭ بەلسەندى نۇكتەلەرى:

1. ەگەر اياقتىڭ ۇشتارىن ۋقالاسا، باس اۋرۋىنان قۇتىلىپ، مي قىزمەتىن جاقسارتۋعا بولادى.

2. ۇلكەن باقايدىڭ اينالاسى مويىن اۋرۋىن جازۋعا كومەكتەسەدى، تەك قانا بەلسەندىرەك ۋقالاساڭىز بولعانى.

3. تاباننىڭ ورتا جاعىن ۋقالاۋ وكپە اۋرۋىمەن كۇرەسۋگە كومەكتەسىپ، دەمىكپەدەگى پاتولوگيالىق جاعدايدى جەڭىلدەتەدى، ەنتىگۋدى باسادى.

4. ۇلكەن باقايدان ازداپ تومەن ورنالاسقان ايماقتى ۋقالاپ، ٴسىز جۇرەك-قان تامىرلارى جۇيەسىن قورعاي وتىرىپ، جۇرەكتىڭ ەش شالىسسىز جۇمىس ىستەۋىن قامتاماسىز ەتەسىز.

5. تابانداعى دوڭەستىڭ ىشكى جاعىن ۋقالاۋ  باۋىرعا تۇسكەن كۇشتەن ارىلتىپ، اۋىرۋ سەزىمىنەن قۇتقارادى.

6. وكشەنى جاقسىلاپ ۋقالاساڭىز، بەلىڭىزدىڭ اۋىرعانى ساپ تيىلادى.

امانگۇل ەرمەكقىزى
date29.11.2016readCount6995printباسىپ شىعارۋ