ەرلەردىڭ جىنىستىق بەلسەندىلىگى ۇيقىعا بايلانىستى

ورتا ەسەپپەن العاندا، ادام ٴوز ٴومىرىنىڭ ۇشتەن ٴبىرىن ۇيقىعا جۇمسايتىنى بەلگىلى. «كىشى ٴولىمنىڭ» قۇشاعىندا جاتقاندا تامىردىڭ سوعۋى مەن تىنىس الۋ باياۋلايدى، قان قىسىمى تومەندەپ، ادام دەنەسىندەگى تەمپەراتۋرا ازداعان مولشەردە تومەن تۇسەدى. جۇيكە جۇيەسىنىڭ سەزىمتالدىلىعى دا باسەڭدەگەن كۇيگە تۇسەدى. وسىناۋ ٴبىر ەس-تۇسسىز كۇيگە ٴتۇسۋ ارقىلى اعزا تىنىعادى جانە دەنەدەگى جاڭا جاسۋشالار مەن اعزا تىرشىلىگىنە قاجەتتى زاتتار تۇزىلەدى. ۇيقى زات الماسۋ قارقىنىن، اعزانىڭ  بەلسەندىلىگىن وزگەرتەدى...

ايتا بەرسەك، «ۇيقى» دەپ اتالاتىن بۇل قۇبىلىستىڭ ادام اعزاسىنا تيگىزەتىن اسەرلەرى جايلى، پايداسى مەن زيانى تۋراسىنداعى مالىمەتتەردىڭ شەگىنە جەتۋ قيىن. الايدا، ۇيقىنىڭ ەر ادامداردىڭ جىنىستىق بەلسەندىلىگىنە، ياعني اكە اتانۋ مۇمكىندىگىنە تىكەلەي اسەر ەتەتىنىن ەكىنىڭ بىلە بەرمەسى انىق. ەگەر ەر ادام تاۋلىگىنە 6 ساعاتتان از نەمەسە 9 ساعاتتان كوپ ۇيىقتاسا، ول ادامنىڭ جىنىستىق بەلسەندىلىگى ازايا تۇسەتىن كورىنەدى.

بوستون ۋنيۆەرسيتەتىنىڭ (اقش) ماماندارى وسى ايتالعان تۇجىرىمدى دالەلدەۋ ماقساتىندا ارنايى سىناق جۇرگىزىپ كورگەن ەكەن. 21 مەن 45 جاس ارالىعىنداعى 695 جۇپتى تاڭداپ العان ولار تاجىريبەگە قاتىسۋشىلاردىڭ ۇيقى ۇزاقتىعىن باقىلاي باستاعان. وسىلايشا، ولار ٴار سەگىز اپتا سايىن ايەلدەردىڭ جۇكتى بولۋىن دەڭگەيىن انىقتاپ، اقىر سوڭىندا وسى شەشىمگە كەلگەن.

قورىتا ايتقاندا، ۇيقىسى بۇزىلعان جانداردىڭ بالا ٴسۇيۋ باقىتىنا يە بولۋى ايتارلىقتاي تومەندەيدى. ەگەر ەر ادام تاۋلىگىنە 9 ساعاتتان ارتىق ۇيىقتايتىن بولسا، وندا ونىڭ اكە اتانۋ مۇمكىندىگى بار بولعانى 42% قۇرايتىن كورىنەدى.

ەجەلدەن حالقىمىز ٴۇش ارسىزدىڭ بىرىنە جاتقىزعان ۇيقىنىڭ ۇرپاق ماسەلە كەلگەندە، ماڭىزدى ٴرول اتقاراتىنى عىلىمي جولمەن دە دالەلدەنىپ وتىر. ەندەشە، سالعىرتتىق تانىتپاي، سەرگەك جۇرۋگە تىرىسايىق!

قاراۋىلدىڭ بالاسى
date18.11.2016readCount13141printباسىپ شىعارۋ