ادام قۇلاعىنا جاعاتىن 7 دىبىس

ٴبىر ساتتە قۇلاعىڭىزعا ىلىنگەن دىبىس كۇنى بويىنا كوڭىل-كۇيىڭىزدى وزگەرتە الادى. بۇل قاسيەتتى پايدالانۋ ٴۇشىن ادام قۇلاعىنا ەڭ جاعىمدى دىبىستاردى ٴبىلىپ ٴجۇرىڭىز. نازارلارىڭىزدا – ادامنىڭ كوڭىلىن كوتەرە الاتىن 7 دىبىس. 

اياق استىنداعى قاردىڭ سىقىرلاۋى. قالادا جاڭا تۇسكەن قاردى تاۋىپ، ۇستىنەن سىقىرلاپ ٴوتۋ دە ارمان عوي. ال وسىنداي جەر ىزدەپ، تاڭەرتەڭ ەرتە شىعىپ، قاردىڭ بەتىمەن سىقىرلاپ وتكەنگە نە جەتسىن! وسىنداي جەردە رومانتيكالىق كەزدەسۋ ۇيىمداستىرساڭىز، سۇيىكتىڭىزدىڭ دە كوڭىلى كوتەرىلىپ قالار. قاردىڭ ۇستىمەن تۇندە قىدىرساڭىز، ونىڭ سىقىرلاعان دىبىسى جاقسىراق ەستىلمەك. 

تولقىننىڭ جاعاعا شارپۋى. نەلىكتەن جازعى دەمالىستا كوبىمىز تەڭىز جاعالاۋىنا بارعىمىز كەلەدى؟ ٴجۇزىپ، ٴبىر اپتادان كەيىن قاراتورى بولۋ ٴۇشىن بە؟ ول عانا ەمەس. تەڭىز جاعالاۋىندا ٴومىر سۇرەتىن ادامداردىڭ باقىتتى بولاتىنى باياعىدا دالەندەنگەن. ٴبىز دە جىلىنا ٴبىر رەت دەمالىسقا بارعاندا تولقىننىڭ جاعاعا شارپىعان دىبىسىن تىڭداپ، بار قيىندىقتارىمىزدى ۇمىتامىز ەمەس پە؟ تەڭىز دىبىستارىنىڭ سوڭى جوق، ەركىڭىز بولعاندا ونى تىڭداپ وتىرا بەرۋگە بولادى. 

جىلعانىڭ سىلدىرى. بۇل دىبىستى ەستىمەگەلى كوپ بولدى ما؟ كەلەسى دەمالىستا تاۋ بوكتەرىنە بارىپ، جىلعانىڭ جاعاسىندا ٴبىراز وتىرىپ قايتىڭىز. دەمالىپ، سەرگىپ، جۇمىسىڭىزعا جاقسى كوڭىلمەن كىرىسەرىڭىز ٴسوزسىز. 

كۇلكى. بىرنەشە سەكۋندتىق كۇلكى كوڭىلىڭىزدى ٴبىرازعا كوتەرە الادى ەكەن. ٴوزىڭىز كۇلسەڭىز دە، قاسىڭىزداعى بىرەۋدىڭ كۇلكىسىن ەستىسەڭىز دە، كۇلكى دىبىسى ادامنىڭ قۇلاعىنا ەرەكشە جاعىمدى بولىپ، جاقسى اسەر قالدىرادى. 

تامشىلاعان جاڭبىر. ساعاتتار بويى توقتاماي جاۋعان جاڭبىردىڭ داۋىسىنا نە جەتسىن! بۇل دىبىستى تىڭداپ، تالاي نارسە جايلى ويلانىپ، ٴوز ويلارىڭىزدى رەتكە كەلتىرسەڭىز بولادى. جاڭبىردان كەيىن ٴسىز دە تابيعات سياقتى تازارىپ، ويلارىڭىز انىق بولادى. سونداي-اق جاڭبىر دىبىسى رومانتيكالىق كوڭىل-كۇي بەرەتىنى بارىنە ٴمالىم. 

مىسىقتىڭ پىرىلداعانى. مىسىقتار ەرەكشە سەزىمتال، باۋىرمال جانۋارلار. ولاردىڭ مياۋلاعان دىبىسى ادامنىڭ اۋرۋىن جازىپ، كوڭىلىن كوتەرە الادى. 

قۇستاردىڭ سايراۋى. تاڭەرتەڭگى قۇستاردىڭ سايراعان داۋىسىنان ويانعان قانداي كەرەمەت. بۇل كوڭىل- كۇيىڭىزدى تاڭنان باستاپ رەتكە كەلتىرىپ، كۇنىڭىزدى ٴساتتى ەتەدى. 

وسى دىبىستاردى ٴبىر تىڭداپ، دەمالىپ، كوڭىلىڭىزدى كوتەرىپ الىڭىز. 

massaget.kz
date24.10.2016readCount4664printباسىپ شىعارۋ