قۇلاقتى تازالاۋ زيان

اللا تاعالا ادام بالاسىنا سويلەۋگە ٴتىل، كورۋگە كوز، ەستۋگە قۇلاق بەردى. قۇلاقتاعى ق ۇلىقتى تازالاۋدى كوپتەگەن ادامنىڭ ادەتكە اينالدىرعانى جاسىرىن ەمەس. ٴتىپتى، ول ٴۇشىن ارنايى قۇلاق تازالايتىن ماقتالار دا شىعارىلعان. ال، ەندى قۇلاقتى تازالاۋ دۇرىس پا؟

دارىگەر مامانداردىڭ ايتۋى بويىنشا ق ۇلىق قويمالجىڭ سۇيىق كۇيدە بولاتىن. ق ۇلىق – قوقىسقا جاتپايدى. قايتا باكتەريالاردان، ٴتۇرلى ىسىنۋلەردەن، جاندىكتەردىڭ قۇلاق ىشىنە كىرىپ كەتۋىنەن، قۇرعاقتىقتى ساقتايدى. ق ۇلىقتى قۇلاقتىڭ ىشكى قۋىسىندا ورنالاسقان ارنايى بەزدەر بولەدى. قۇلاقتاعى ق ۇلىق تازالىق ساقتاماۋدىڭ ٴبىر كورىنىسى ەمەستىگىن جوعارىداعى ٴسوزىمىز دالەلدەيدى. ق ۇلىقتى تازالاۋ زيان تيگىزۋى مۇمكىن. ونىڭ ٴبولىنۋى تابيعي نارسە. ونى تازالاۋدىڭ قاجەتى جوق. سەبەبى، ول باسىندا قويمالجىڭ سۇيىق تۇردە بولىنگەنىمەن، سوڭىندا كەۋىپ، قۇرعاق كۇيگە اينالادى. ٴبىرشاما ۋاقىتتان كەيىن ٴوزى-اق ٴتۇسىپ قالادى. تەك شاشتى جۋعاندا قۇلاقتىڭ قۋىسىن دىمقىل ساۋساقپەن ٴسۇرتىپ تۇرسا جەتەدى. ادام دارەت العاندا دا قۇلاققا مىندەتتى تۇردە ٴماسىح تارتىلادى (سۇرتىلەدى). مىسالعا، ابدۋللا يبن امر جەتكىزگەن حاديستە: «اللا ەلشىسى (س.ع.س.) باسىنا ٴماسىح تارتقاننان كەيىن، سۇق ساۋساعىن قۇلاعىنا تىعىپ، باس بارماعىمەن قۇلاعىنىڭ ارتقى جاعىن ٴسۇرتتى» دەلىنگەن. ياعني، قۇلاق دارەت الۋ كەزىندە سۇق ساۋساق سىياتىن جەرگە دەيىن تازالانادى.

قۇلاق تازالاۋدا تۇرعان نە بار؟ سوعان توقتالايىق. قۇلاقتى تازالاۋ ٴۇشىن قۇلاق قۋىسىنا ماقتا تاياقشالارىن تىعامىز. ول ٴوز كەزەگىندە الدىمەن ق ۇلىقتى ارى يتەرىپ، قۇلاقتىڭ پەردەسىنە تيگىزەدى. نەگىزىندە ق ۇلىق دەگەن قۇلاقتىڭ پەردەسىنە دەيىنگى جەردە جاتاتىن نارسە. قۇلاقتىڭ پەردەسىنە بىرنارسە تيەر بولسا، وندا دىبىس ەستۋ ناشارلايدى. سوندىقتان، ق ۇلىقتىڭ ٴبولىنۋى تابيعي نارسە. ونى تازالاۋدىڭ قاجەتى شامالى.

مىناداي جاعدايلار دا كەزدەسەدى. ٴبىر كىسىلەردىڭ نەمەسە بالالاردىڭ قۇلاعىنان كوپ كولەمدە ق ۇلىق اعىپ، قۇلاقتىڭ سىرتىنا دەيىن شىعىپ جاتادى. ول قۇلاقتىڭ اۋرۋى بولۋى مۇمكىن. سوندىقتان، ونى تەز ارادا دارىگەرگە كورسەتۋ كەرەك.

ال، قۇلاقتىڭ شىڭىلداۋىنا كەلەر بولساق، مەديسينا ماماندارىنىڭ پىكىرىنشە ادامداعى سوزىلمالى اۋرۋلارمەن بايلانىستى دەپ توپشىلايدى.

نۇرقانات بايزاق
date07.10.2016readCount27876printباسىپ شىعارۋ