«عاديات» سۇرەسى

«عاديات» – مەككەدە تۇسكەن سۇرەلەر قاتارىنا جاتادى. بۇل سۇرە ٴدىن جولىنداعى جاۋىنگەرلەردىڭ سايگۇلىكتەرى، تۇلپارلارى جايلى باياندايدى. تۇلپارلاردىڭ جەلمەن جارىسقان جىلدامدىعى، تاسقا تيگەن تۇياعىنان شارپىعان ۇشقىنىن سۋرەتتەيدى. مۇنىڭ بارلىعى جاۋىنگەر اتتاردىڭ اللا قۇزىرىنداعى ارتىقشىلىعىن بىلدىرەدى. سۇرەنىڭ كەلەسى بولىگىندە ادامنىڭ نىعمەتكە قايىرىمسىزدىعى تۋرالى بار. ادام اللانىڭ بەرگەن سانسىز نىعمەتتەرىن العىسسىز قابىل الاتىندىعى تىلگە تيەك ەتىلدى. ونىڭ بۇل نيەتى سوزىنەن جانە ىس-ارەكەتىنەن بايقالىپ تۇرادى. سونداي-اق، ادام بولمىسىنان دۇنيەنى شەكتەن تىس جاقسى كورەتىندىگى. سۇرە سوڭىندا بارلىق جاراتىلىس اتاۋلىنىڭ جاراتقان قۇزىرىنا ەسەپ بەرۋگە باراتىندىعى ەسكەرتىلەدى. اقىرەت كۇنى جيعان دۇنيە مەن اتاق-ابىرويدىڭ ەشبىر پايداسى جوقتىعى، ول كۇنى تەك ىزگى امال عانا پايدا بەرەتىندىگى ايتىلادى.

بسم الله الرحمن الرحيم

وَالْعَادِيَاتِ ضَبْحًا

1.قاتتى ەنتىگىپ شاباتىنمەن سەرت.        

اللا تاعالا جورىققا شىققان اسكەردىڭ سايگۇلىكتەرىمەن سەرت ەتۋدە. يبن ابباس (ر.ا.) ريۋاياتى: «اللا ەلشىسى (س.ع.س.) اتتى اسكەردى شىعارىپ سالدى. ٴبىر اي بويى ولاردان حابار-وشار كەلمەدى. سوڭىنان وسى سۇرە ۋاحي ەتىلدى»[1].

فَالْمُورِيَاتِ قَدْحًا

2.(تۇياعىنان) ۇشقىن شىعاراتىنمەن سەرت.

تۇياعىمەن جەردەگى تاستى تەۋىپ ۇشقىن شىعاراتىن

فَالْمُغِيرَاتِ صُبْحًا

3.تاڭ سارىدە شابۋىل جاسايتىنمەن سەرت.         

فَأَثَرْنَ بِهِ نَقْعًا

4.ونىمەن شاڭداتا شاباتىن.     

فَوَسَطْنَ بِهِ جَمْعًا

5.ٴسويتىپ، جاۋدىڭ ورتاسىنا توپ بولىپ كىرەتىن اتتارمەن (سەرت).

جورعالاعان ات جاۋدىڭ بەتىن شاڭ ەتكەندە، تاڭسارىدە جاۋدىڭ ورتاسىنا جارىپ كىرگەن ساتتە.

إِنَّ الْإِنْسَانَ لِرَبِّهِ لَكَنُودٌ

6.شىن مانىندە، ادام راببىسىنا تىم شۇكىرسىز.

ادامزات اللا تاعالانىڭ بەرگەن نىعمەتىنە شۇكىرشىلىك جاساماۋدا.

وَإِنَّهُ عَلَى ذَلِكَ لَشَهِيدٌ

7.جانە ونىڭ ٴوزى دە بۇعان كۋا.

وَإِنَّهُ لِحُبِّ الْخَيْرِ لَشَدِيدٌ

8.سونداي-اق، ول بايلىقتى وتە جاقسى كورەدى.

ٴارى ونىڭ شۇكىرشىلىك جاساماعاندىعىنا ٴوز ارەكەتى كۋا. ويتكەنى، شۇكىرشىلىك ەتپەۋ ونىڭ بويىنان بايقالىپ-اق تۇر. بار ٴجۇرىس-تۇرىسى سونى كورسەتۋدە. ول دۇنيەنى ادەتتەن تىس قاتتى جاقسى كورەدى. دۇنيەگە ساراڭدىق تانىتادى نەمەسە دۇنيە تابۋ ٴۇشىن بار كۇش-جىگەرىن جۇمسايدى.

 

أَفَلَا يَعْلَمُ إِذَا بُعْثِرَ مَا فِي الْقُبُورِ

9.ال، ول قابىردەگىلەر قوپارىلىپ شىعارىلعان كەزدە نە بولاتىنىن بىلە مە؟

وَحُصِّلَ مَا فِي الصُّدُورِ

10.جانە كوكىرەكتەگىلەر اشىققا شىعارىلاتىن ساتتە.

إِنَّ رَبَّهُمْ بِهِمْ يَوْمَئِذٍ لَخَبِيرٌ

11.انىعىندا، سول كۇنى راببىلارى ولار جايلى تولىق حابار الۋشى.

ادام بالاسى قابىردەگى ٴولى دەنەلەر قايتا تىرىلگەن كەزدە، ولاردىڭ كەۋدەسىندەگى جاسىرىن جاتقان جاقسى-جامان امالدارى، دۇرىس جانە تەرىس نيەتتەرى پاش ەتىلگەندە نە بولارىن بىلە مە؟ الەمدەردىڭ راببىسى ولاردىڭ كوكىرەگىندەگى جاسىرىن نيەتىنەن حاباردار، سول كۇنى پەندە امالىنا لايىقتى ەسەپ بەرەدى.



[1]    باززار، حاكيم

 

سەرىكباي قاجى وراز
date07.06.2016readCount3883printباسىپ شىعارۋ