ورازا – ادام ٴۇشىن ەڭ كەرەكتى ٴدارى!

ورازا ىشەك اۋرۋلارىنا، ٴىش قاتۋعا، كەيبىر تەرى اۋرۋلارىنىڭ جاقسارۋىنا كومەكتەسەدى. ورازا ۇستاعان ادامنىڭ ىشكى مۇشەلەرىنە جينالاتىن مايلاردى ەرىتىپ، مەتوبوليزمدى جانداندىرادى. بۇيرەك، باۋىر، قۋىق، سۋسامىر (قانت ديابەتى)، جۇرەك پەن تامىر اۋرۋلارىنا قارسى توزىمدىلىكتى ارتتىرادى. ول ٴۇشىن سارەسى مەن اۋىزاشار ۋاقىتىندا تىم كوپ اس جەمەۋ كەرەك. ورازانىڭ پايداسى تۋرالى دوكتور الەكس كاررەل بىلاي دەيدى: «تاماق ىشپەۋ اۋەلى اشتىقتى ۇعىندىرادى. الايدا، ەڭ ماڭىزدىسى – باۋىرداعى شەكەرلەردى، تەرى استىنداعى ماي قىرتىستارىن، بۇلشىق ەت، بەز، كوك باۋىر جاسۋشالارىنداعى پروتەيندەردىڭ قيمىلىن ارتتىرادى. مىنە، وسىلايشا ورازا تكاندارىمىزدى تازالاپ، وزگەرتىپ وتىرادى».

ورازا كەزىندە كۇندىزگى ۋاقىتتاردا قانداعى حولەستەرين دەڭگەيى تومەندەيدى. تامىردىڭ جاقتاۋلارىندا بىرىگىپ قالعان ەسكى حولەستەرين قالدىقتارى بىرتە-بىرتە قان اينالىمىنا ارالاسىپ، قاتتىلىعىن جوعالتادى. وسىدان بارىپ ەڭ ٴبىر قورقىنىشتى اۋرۋ «ارتەريوسكلەروز» (جۇرەكتىڭ قىسىلۋى جانە سال بولۋ سەبەپتەرى (ورازا مەن دارەتتىڭ ورتاق اسەرىمەن) جويىلادى.

جۇرەككە كەرى اسەر ەتەتىن ٴۇش فاكتور بار: تامىردىڭ قاتتىلىعى، جۇيكەنىڭ شارشاۋى، اسقازانعا ىلعي دا قىسىم تۇسەتىندىگى. ورازا ۇستاعان ادام وسىنىڭ ۇشەۋىنەن دە زيان شەكپەيدى.

كوپ اس ىشكەننەن كەيىن دەنەدەگى بۇكىل مۇشەلەرمەن قاتار، جۇرەك تە شارشاي باستايدى. بۇنداي جاعدايدا قان مي مەن ورتالىق جۇيكە جۇيەسىنىڭ جاسۋشالارىنا تولىقتاي جەتە المايدى. جۇرەك ماماندارى كوپ تاماقتانۋ مەن جۇرەك تالماسى اراسىندا بايلانىس بار ەكەنىن ايتۋدا.

باتىس گەرمانيانىڭ نوردحەيم ۆەستفالەن قالاسىنداعى راك اۋرۋلارى ينستيتۋتىنىڭ مامانى پروف.در.دج.ل.پاۋل ارنايى زەرتتەۋ ناتيجەسىندە ورازانىڭ راك اۋرۋىنان ساقتايتىندىعىن جاريالادى. پروفەسسور ترەبتىڭ مەديسينا الەمىندە ايتۋلى باعاعا يە مالىمەتىنە سۇيەنسەك، ورازا ۇستاعان ادامدا «ادرەنالين جانە كورتيزون» دەپ اتالاتىن گورموندار كوپ مولشەردە قانعا ارالاسادى. دەنەنىڭ ەڭ كىشى جاسۋشالارىنىڭ ازايىپ-كوبەيۋىن قامتاماسىز ەتەتىن بۇل گورموندار بۇل جاسۋشالاردىڭ راك اۋرۋىنا شالدىقپاۋىن قامتاماسىز ەتەدى.

ورازا دەنەنىڭ بۇكىل جۇيەلەرىنە اسەر ەتىپ، دەنساۋلىعىن ارتتىراتىن قاسيەتكە يە. الايدا تەك دەنساۋلىقتى جاقسارتۋ نيەتىمەن ورازا ۇستاۋ دۇرىس ەمەس. ورازا ۇستاۋداعى باستى نيەت – اللانىڭ ٴامىرىن ورىنداۋ بولۋى كەرەك. ورزالارىڭىز قابىل بولسىن!

date02.06.2016readCount12557printباسىپ شىعارۋ