بەزەۋدەن قۇتىلۋعا كومەكتەسەتىن 5 تاعام

ەگەر بەتكە بەزەۋ شىقسا، بۇگىننەن باستاپ، دۇرىس تاماقتانۋ قاجەت دەگەن ٴسوز. تاماقتانۋ ٴمازىرىن رەتتەۋ ارقىلى، بەزەۋدەن قۇتىلۋعا بولادى. ال ول ٴۇشىن بەزەۋدى كەتىرەتىن 5 ازىق-تۇلىك كومەكتەسەدى.  

1. تازا سۋ. تەرىنى ساۋ ٴارى جاس ەتىپ ساقتاۋ ٴۇشىن، سۋ ىشكەن دۇرىس. سونىمەن قاتار، قانداي دا ٴبىر گازدالعان سۋسىن ىشپەڭىز. كۇنىنە باسقا دا سۋسىندار مەن سورپانى ەسەپتەمەگەندە، كەم دەگەندە 8 ستاكان سۋ ٴىشىڭىز. سۋ بەزەۋدەن ارىلتاتىن ەڭ نەگىزگى قۇرال بولىپ سانالادى. ونىڭ ۇستىنە، سۋ تەرى جاسۋشالارىن جاڭارتادى.

2. ٴزايتۇن مايى. تاماقتى ٴزايتۇن مايىمەن دايىنداۋ قاجەت. بۇل كوپتەگەن ارتىقشىلىعى بار كەرەمەت تاعام. ٴزايتۇن مايى تەرىنى بەزەۋدەن تازارتادى. ال ونىڭ ەڭ نەگىزگى قاسيەتى - ماي قىشقىلدارىنىڭ ىشىندەگى تابيعي، تازاسى ەكەندىگىندە.

3. كوك شاي. اسقىنۋعا قارسى حيميليالىق ەلەمەنت كاتەحيننىڭ نەگىزگى كوزى بولىپ تابىلادى. بۇل زات تەرىنى بەزەۋدەن ارىلتۋعا كومەكتەسەدى. تەرى جاسۋشاسىنىڭ بۇزىلۋىنا اكەلەتىن ەركىن راديكالداردىڭ الدىن الادى.

4. بيداي جانە جاڭعاقتار. بۇل تاعامدار تەرى جاسۋشالارىنىڭ ساۋلىعىنا اسەر ەتەتىن سەلەننىڭ نەگىزگى كوزى. سەلەن بۇزىلعان تەرى جاسۋشالارىن قالپىنا كەلتىرىپ، بەزەۋدى كەتىرەدى. ال جاڭعاقتاردا تەرىنى جۇمساق ٴارى تەگىس ەتەتىن ومەگا-3 مايى بار. بۇل تاعامداردى تاماققا قوسساڭىز، بەزەۋدەن دە قۇتىلاسىز، تەرىڭىز دە جاسارادى.

5. ەت پەن بالىق. اقۋىزدىڭ ەڭ نەگىزگى كوزى. اقۋىزعا باي تاعامداردى پايدالانۋ ارقىلى بەزەۋمەن كۇرەسۋگە بولادى. كۇندەلىكتى تاماقتانۋ مازىرىندە اقۋىز مىندەتتى تۇردە بولۋى كەرەك. بۇل تەرىنى جۇمساق ٴارى تەگىس ەتىپ قويماي، سىن-سىمباتىڭىزدى جاقسارتۋعا كومەكتەسەدى. ويتكەنى، زەرتتەۋلەرگە سۇيەنسەك، اقۋىز ارتىق سالماقتان ارىلتادى. 

كەرەك كەڭەس confederation.kz سايتىنان الىندى.

date08.04.2016readCount6049printباسىپ شىعارۋ