ҚМДБ ТӨРАҒАСЫ ХОРВАТИЯ МҮФТИІН ҚАБЫЛДАДЫ (ФОТО)

ҚМДБ Төрағасы, Бас мүфти Наурызбай қажы Тағанұлы елордада Хорватия Ислам қоғамдастығы Месихат ұйымының төрағасы, мүфти, доктор Әзиз Хасанұлымен кездесті.

Әлемдік және дәстүрлі діндер лидерлерінің VIІ съезіне арнайы келген мәртебелі мейман Хорватия еліндегі діни салада атқарылып жатқан игі шаралар мен жобалар туралы Бас мүфтиге баяндады.

Өз кезегінде Наурызбай қажы Тағанұлы келген мәртебелі мейманға ілтипат көрсетіп, жылы лебізін білдірді.

Кездесу барысында Әлемдік және дәстүрлі діндер лидерлері съезінің маңызы сөз болып, жаһандық жиынның дүниежүзі халықтарын, барша дін өкілдерін бірлік пен бейбітшілікке үндеп, олардың өзара түсіністігі мен татулығына үлес қосып келе жатқандығы айтылды. Сондай-ақ екі ел мүфтилері діни саладағы екіжақты байланысты арттыруға, игі жобаларды бірлесе жүзеге асыруға, өзара тәжірибе алмасуға уағдаласты. 

Дереккөз: ҚМДБ баспасөз қызметі