«ӘР-РАХМАН» МЕШІТІ ЖАҢА ДЫБЫС ЖҮЙЕСІМЕН ЖАБДЫҚТАЛДЫ (ФОТО)

Астана қаласы өкілдігіне қарасты «Әр-Рахман» мешітінде қасиетті Рамазан айына дайындық жұмыстары қарқынды жүргізілуде. Осы мақсатта мешіттің дыбыстық жүйесі жаңартылып, жамағатқа ыңғайлы жағдай жасау үшін микрофондар мен колонкалар толықтай ауыстырылды.

Жаңартылған дыбыстық жүйе арқылы уағыздар мен Құран оқылымдары анық әрі сапалы жеткізіліп, жамағаттың құлшылықтарын шынайы ықыласпен орындауына мүмкіндік жасалды.

Мешіт бас имамы Жандос Атембаевтың жетекшілігімен ұжым Рамазан айында өтетін тарауих намаздары мен басқа да діни шаралардың жоғары деңгейде ұйымдастырылуына бар күшін салуда. Сонымен қатар, жамағаттың жайлылығы үшін қосымша жұмыстар да атқарылуда.

Аталған жұмыстар жамағаттың ризашылығына бөленіп, мешіт қызметінің сапасын арттыруға бағытталған. «Әр-Рахман» мешіті алдағы уақытта да рухани іс-шараларды ұйымдастырып, жамағатқа сапалы қызмет көрсетуді жалғастырады.

Дереккөз: ҚМДБ Астана қаласы өкілдігінің баспасөз қызметі