Astananıñ 20 jıldığına oray duatlonnan qalalıq turnir öttî (FOTO)

Bügîn Astana qalasınıñ 20 jıldıq mereytoyınıñ qûrmetîne oray Elorda tûrğındarınıñ arasında duatlonnan aşıq turnir bolıp öttî. Salauattı ömîr saltın nasihattauğa bağıttalğan bûl turnirge qatısuşılar 5 şaqırımdı jayau jügîrîp ötîp, 20 şaqırımdı velosipedpen eñserdî. Astana qalasınıñ âkîmdîgî men Mâdeniet jâne sport basqarmasınıñ, «Sporttıq bûqaralıq îs-şaralardı ötkîzu direktsiyasınıñ, Astana Triatlon federatsiyasınıñ bîrlese ûyımdastıruımen jüzege asıp kele jatqan bûl dâstürlî şara halıq arasında sportqa degen süyîspenşîlîktî arttırıp, jıldan jılğa qatısuşılardıñ da qatarı köbeyîp keledî.

«Bâyterek» monumentînen bastau alğan qalalıq marafon qatısuşıları Qonaev, Qabanbay batır, Aqmeşît, Dostıq jâne Mâñgîlîk el köşelerî arqılı jügîrîp öttî. Sonımen qatar, Qonaev köşesî, Tûran dañğılınan «Astana jûldızdarı» monumentîne deyîn (Qabanbay batır dañğılımen aynalma jol), sodan soñ kerî bûrılıp Tûran dañğılı arqılı Dostıq köşesîne deyîn 20 şaqırımdı velosipedpen bağındırdı. Bûdan keyîn 2,5 şaqırımdı jayau jügîrîp, duatlon mâresîn ayaqtadı.

Aytulı turnirge respublikalıq «Âzîret Sûltan» meşîtînîñ qızmetkerlerî de belsene atsalısıp, bügîngî kündî boy sergîtken jattığumen bastap qayttı. Allanıñ bergen amanatı – densaulıqqa dûrıstap köñîl bölîp, sporttı serîk etuge sözîmen de, ülgî âreketîmen de ündey bîlgen Bas meşît qızmetkerlerî bîrînşî bolıp mâre sızığın qimasa da, qalıñ jûrtşılıqtan qalıspay duatlon medalîn tağınıp qayttı.

Suretterdî «FOTOGALEREYa» aydarınan köre alasızdar!

date24.06.2018readCount884printBasıp şığarusourceLinkmuslim.kz





comments powered by HyperComments