Bas meşîtte naib müfti törağalığımen Halıqaralıq konferentsiya öttî (FOTO)

Bügîn Astana  qalasındağı respublikalıq «Âzîret Sûltan» meşîtînde «İslam mâdenietînîñ örkendeuîne Qazaqstannıñ qosqan ülesî» attı halıqaralıq ğılımi konferentsiya bolıp öttî. Qazaqstan mûsılmandarı dîni basqarmasınıñ QR Dîn îsterî jâne azamattıq qoğam ministrlîgî Dîn mâselelerî jönîndegî ğılımi-zertteu jâne taldau ortalığı jâne İslam Intımaqtastığı Ûyımı janındağı İslam tarihı, önerî men mâdenietîn zertteu ortalıqtarımen (IRCICA) bîrlese ûyımdastırğan konferentsiya jûmısına elîmîzdîñ islamtanuşı ğalımdarı men bîlîktî mamandarı, dîn qızmetkerlerî men kalligraf-sâuletşîler qatısıp, ortaq taqırıp ayasında oy qorıttı.

QMDB törağasınıñ bîrînşî orınbasarı, naib müfti, respublikalıq «Âzîret Sûltan» meşîtînîñ bas imamı Naurızbay qajı Tağanûlınıñ törağalığımen ötken konferentsiya ayasında qazaq dalasındağı İslam dînînîñ tarihın tügendep, babalar mûrasın bügîngî künmen baylanıstırıp, tarihi qûndılıqtarımızdı dârîpteuge bağıttalğan bayandamalar jasaldı. QMDB-nıñ qızmetkerlerî men öñîrlerdegî ökîl imamdarı, atalmış ortalıqtardıñ bîlîktî mamandarı bas qosqan halıqaralıq konferentsiya jûmısına  QR Dîn îsterî jâne azamattıq qoğam vitse-ministrî Berîk Arın men İslam tarihı, önerî men mâdenietîn zertteu ortalığınıñ bas hatşısı Halit Eren mırzalar da qatısıp, özderînîñ qûttıqtau lebîzderîn bîldîrdî.

Qazaqstan memleketînîñ İslam dînînîñ güldenuîne qosqan ülesî jayında QR Joğarğı Sotınıñ azamattıq îster jönîndegî sot alqasınıñ bas konsultantı Boranbaeva Gülnar, IRCICA ûyımınıñ Ortalıq Aziya boyınşa sarapşısı Âşîrbek Müminov, QMDB törağasınıñ orınbasarı, Alau Âdîlbaev, Dîn mâselelerî jönîndegî ğılımi-zertteu jâne taldau ortalığınıñ direktorı Aynûr Âbdîrâsîlqızı, Halıqaralıq qazaq-türîk universitetînîñ professorları Dosay Kenjetay men Qoja Mûhtar Baqadırûlı, Yassauitanu ortalığınıñ ağa ğılımi qızmetkerî Jandarbek Zîkîriya, QazÛU TÜRKSOY kafedrasınıñ meñgeruşîsî Qıdır Törâlî sındı ğalımıdarımızdıñ jasağan bayandamaları basqosu mañızın arttırıp, qazaq dalasınan şıqqan oyşıldarımız men îrgelî oqu orındarı jaylı, Orta Aziyadağı dîn îlîm jüyesî jönînde tıñ mağlûmattarmen bayıta tüstî.

Sonday-aq, elîmîzdîñ âr öñîrînen kelgen ökîl imamdar Smayıl Seytbekov (Mañğıstau), Batırjan Mansûrov (Atırau), Ardaq Orazbaevtardıñ (Almatı oblısı) İslam mâdenietînîñ qazaq dalasınıñ âr tükpîrînde qalay damığandığınan sır şertetîn bayandamaları köptîñ köñîlînen şığıp, tarihımız tıñ derektermen tolıqtırıla tüstî.  

Sonday-aq, konferentsiya ayasında elîmîzdîñ kalligraf şeberlerînîñ qolınan şıqqan tuındılar körmesî de ötkîzîldî. Konferentsiyağa qatısuşı kalligraf Asılbek Bayzaqûlı, suretşî keramik Rısbaev Abayhan, önertanu ğılımdaınıñ kandidatı Meruert Qûrmanğalievter Qazaqstandağı İslam sâulet önerî men eskertkîş jâdîgerlerî jayında qûndı pîkîrler aytıp, bayandama jasadı.

Suretterdî «FOTOGALEREYa» aydarınan köre alasızdar!

date21.06.2018readCount962printBasıp şığarusourceLinkMuslim.kz





comments powered by HyperComments