Serîkbay qajı Oraz Şımkentte Özbekstan müftiîmen kezdestî (FOTO)

Серікбай қажы Ораз Шымкентте Өзбекстан мүфтиімен кездесті (ФОТО)

Bügîn Qazaqstan mûsılmandarı dîni basqarmasınıñ törağası Serîkbay qajı Oraz Şımkent qalasında ötken «Bauırlas elderdîñ  ruhani ortaq qûndılıqtarı» attı halıqaralıq forum ayasında Özbekstan müftiî Usmanhan qajı Alimovpen kezdestî.

Kezdesude ekî el müftiî halıqaralıq forumda aytılğan ûsınıstar men pîkîrlerdî talqıladı. Sonımen qatar, qazaq-özbek bauırlastığın odan ârî nığaytudı közdeytîn igî îs-şaralardıñ josparı jaylı pîkîr alıstı. Dîn qayratkerlerî Qazaqstan men Özbekstannıñ Dîni basqarmaları arasında qabıldanğan ekî jaqtı memorandum ayasında atqarılar auqımdı jûmıstardı pısıqtadı.  

Bas müfti Serîkbay qajı Oraz biıl Ortalıq Aziya elderînîñ İslam ğûlamaları ramazan ayı men oraza ayttı bîr künge belgîlep, ortaq pâtuağa kelgenîn ayrıqşa atap öttî.

«Bûl tarihi şeşîm – bîzdîñ dîni auızbîrşîlîgîmîzdîñ jarqın ülgîsî. Osı bağıttağı jûmıstardı jandandırıp, Qazaqstandağı Özbekstan jılı ayasında bîrlesken igî şaralardı jüyelî türde jüzege asıruımız kerek», – dedî Serîkbay qajı Satıbaldıûlı.

Öz kezegînde Usmanhan qajı Alimov halıqaralıq forumğa arnayı şaqırğan elîmîzdîñ Bas müftiîne alğısı men jılı lebîzîn jetkîzîp, atalğan şara qazaq-özbek arasındağı ruhani baylanıstı nığayta tüsetînîn söz ettî.

Kezdesu soñında taraptar dîni saladağı qarım-qatınastı küşeytu, qazaq-özbek tîlînde dîni kîtaptardı bîrlese şığaru, jastardı patriotizmge târbieleu, tâjîribe almasu, ekî eldîñ qasiettî jerlerîne ziyarat jasau râsîmderîn ûyımdastıru, ğılımi jobalardı jüzege asıru sındı îs-şaralar töñîregînde özara uağdalastı.

 
date20.06.2018readCount489printBasıp şığarusourceLinkQMDB Baspasöz qızmetî





comments powered by HyperComments