Tâuelsîzdîk künî - Ûlı kün!
Тәуелсіздік күні - Ұлы күн!

Tâuelsîzdîk künî - öz bolaşağımızdı özîmîz ayqındauğa qolımız jetken Ûlı kün. Bügîn Astanada Tâuelsîzdîk künîne arnalğan saltanattı jiında prezidentî Nûrsûltan Nazarbaev osılay mâlîmdedî.

Eñ aldımen elbası barşa qazaqstandıqtardı aytulı merekemen qûttıqtap: "Elîmîzdîñ tûmarı, eldîgîmîzdîñ şınarı bolğan -Tâuelsîzdîk künî qûttı bolsın!", - dep atap öttî.

"Osıdan 23 jıl bûrın adamzat kögînde jarıq jûldız payda boldı. Ol - Kök bayrağın şalqıtıp, âlem tarihına mörîn basqan tâuelsîz Qazaqstan edî. Ğasırlar boyğı halqımızdıñ armanı 1991 jılı 16 jeltoqsanda, bügîngî buınnıñ tarihi tañdauına aynaldı. Bûl kün öz tağdırımızğa özîmîz qojalıq etîp, öz bolaşağımızdı özîmîz ayqındauğa qolımız jetken ûlı kün boldı", - dedî Nûrsûltan Nazarbaev saltanattı jiındı aşa otırıp.

Bûdan bölek, elbası Tâuelsîzdîk künî tarihi âdîlet saltanat qûrıp, azattıq üşîn tögîlgen ölşeusîz qannıñ öteuî qaytqan ûmıtılmas kün, san dâuîr ötse de ûrpaqtarımız ûlıqtap otıratın kün ekenîn eske saldı.

"Altay men Atıraudıñ, Sırdariya men Esîldîñ arasındağı elîmîzdîñ jılnaması altın ârîppen jazılğan ardaqtı kün. Jer betînde mıñdağan ûlıstar men ûlttar bar, bîz derbes memleket qûru baqıtına ie bolğan 193 ûlttıñ bîrîmîz. Adam basına baqıttıñ qonuı bîr bölek, sol baqıttı bağalay bîludîñ jönî - bîr bölek", - dedî memleket basşısı.

Ol Tâuelsîzdîk alğan elderdîñ barlığı bîrdey tûraqtılıq pen tatulıqqa ûyıp, damudıñ dañğılına tüse qoymağanın ayttı.

"Tâuelsîzdîk tarihtıñ sıyı nemese bügîngînîñ menşîgî emes, ol ötken babalardıñ aldındağı qasiettî borış, keleşek ûrpaqtıñ aldındağı zor jauapkerşîlîgîmîz bolıp tabıladı. Bîz Tâuelsîzdîgîmîzdî tâu etîp, tâubâ etîp tâuekelmen bolaşaqqa bet tüzep kele jatqan halıqpız", - dedî Nûrsûltan Nazarbaev.

Sonday-aq, prezident dağdarıstardıñ ötîp ketetînîn, al el tâuelsîzdîgî, ûlt mûratı, ûrpaq bolaşağı sekîldî ûlı qûndılıqtar ğana ğûmırlıq ekenîn atap öttî.

date16.12.2014readCount3968printBasıp şığaru