Zerdeñîzdî damıtatın paydalı 7 dağdı

Bîzdîñ aqılımız bûlşıqet siyaqtı: onı damıtu üşîn, ünemî jattıqtıru kerek. Al onı qalay îsteu kerektîgîn osı maqaladan bîle alasızdar.

1. Âuesqoy bolıñız

Sîz âuesqoysız ba? Bârîne bîrdey sene beresîz be âlde mâselenîñ aqiqatına jetuge tırısasız ba? Âuesqoy bolıñız, âlemnîñ qanday ekenîn bîlîñîz.

Onı kündelîktî zattar men qûbılıstardan bastauğa boladı. Mısalı, nanğa qanday qospalar qosılatının, kompiuterdîñ qanday qûrauşılardan tûratının, Jerdîñ kölemî men audanın, atmosferanıñ neden tûratının anıqtauğa tırısıñız. Bûl oylanuğa bolatın sûraqtardıñ bîr qatar mısaldarı ğana.  

Âuesqoylıq barlıq danışpandardıñ erekşe sipatı bolğan. Âuesqoy aqıldan jaña oylar jaqsıraq şığadı. Sanañızdı aşıq ûstañız jâne ünemî jaña nârsenî bîluge dayın jürîñîz.  

2. Qızmet salañızğa qatısı joq kîtaptar men maqalalardı oqıñız

Bîlîm kökjiegîn keñeytuge tırısıñız: ğarıştıq sayahattar turalı oqıñız, qazîrgî qızmetîñîzge eş qatısı joq antropologiya men genetikanı oqudı qolğa alıñız. 

Âygîlî önertapqıştardıñ ömîrbayandarın oqıñız. Jaylı ortañızdan şığıp, âlem jaylı tanımıñızdı keñeytîñîz. Sol kezde sîzdîñ aqılıñız tolısıp qana qoymay, âñgîmeñîz de tartımdı bola tüsedî.

3. Miıñızdı jattıqtırıñız

Miğa arnalğan dûrıs jattığular aqıl-oy qabîletîn jaqsartadı. Dene jattığuları siyaqtı, midı jattıqtıru da zerdenîñ damuı üşîn öte mañızdı. Qarapayım jattığulardan bastap, aqırındap kürdelî jattığularğa köşîñîz.

4. Sportpen aynalısıñız

Miğa ğana arnalğan jattığular jetkîlîksîz. «Denî saudıñ – janı sau» dep beker aytpağan ğoy. Bûl mâteldî «Denî saudıñ – miı sau» dep azdap özgertuge de boladı. Dene jattığuları sîzdîñ deneñîz üşîn ğana paydalı emes. Ğılımi közqaras boyınşa, ol qannıñ miğa köbîrek baruın jâne jaña neyrondıq baylanıstardı ıntalandıratın aquızdardıñ şığuın arttıradı.

5. Jaña bîrnârse üyrenîñîz

Jaña nârse üyrenu – midı jaqsı ıntalandıradı. Stiv Djobstıñ studenttîk jıldarı kalligrafiyamen aynalısqanın esîñîzge tüsîrîñîz. Ol Stendford tülekterînîñ aldında söylegen âygîlî sözînde: «Eger men kalligrafiya kursına jazılmağanımda, Macintosh-tıñ mûnday keremet qarîpter garniturası bolmas edî» degen bolatın.

Sîz qay bîlîmîñîzdîñ paydalı boların eşqaşan bîlmeysîz. Sondıqtan jaña nârse üyrenîp jürîñîz.

6. Şınımen paydalı bolatın blogtardı oqıñız

Eger sîz osı maqalanı oqıp otırğan bolsañız, onda maqsatıñızdıñ jartısın eñserîp qalğanıñız. Bîraq mûnımen toqtap qalmañız. Jelîde jiî-jiî oqıp tûruğa bolatın basqa da paydalı mâlîmetter bar.

Maqalalardı saqtap jâne oqıp jüru üşîn Pocket-tî nemese osığan ûqsas qızmetterdî paydalanıñız. Evernote-de özîñîzge qızıqtı materialdardıñ jeke kîtaphanasın jasap qoyıñız..

7. Jeke blog jürgîzîp jâne oqığan nârselerîñîz jaylı âserîñîzben bölîsîñîz

Jeke blog jürgîzu şığarmaşılıqqa dem beredî. Bûl özîñîz turalı aytudıñ mümkîndîgî ğana emes, öz oylarıñızdı ûyımdastıruğa kömek boladı. Eger bîrnârsemen bölîsseñîz, bûl sîzdîñ qarım-qatınas dağdıñızdı jaqsartadı. Blog miıñızdı tonusta ûstauğa kömektesîp, sîzdî jasampaz etedî.

Bîrnârse turalı jazğan kezde, onı jaqsıraq tüsîne bastaysız.

Apta sayın nemese ay sayın sol uaqıtqa deyîngî oqığan eñ qızıqtı aqparattarıñızdan daydjest (ârtürlî aqparattardıñ qısqaşa mazmûnı) jasañız.

 

date04.05.2018readCount1520printBasıp şığaru