İsra jâne miğraj mûğjizası

İsra sözî «tüngî sapar» degendî bîldîrse, miğraj «joğarı köterîlu» degen mağına bîldîredî. Mâdina qalasına qonıs audarudan bîr jarım jılday uaqıt bûrın bîr tünî Payğambarğa (s.ğ.s.) Jebîreyîl perîşte (ğ.s.) keledî. Onıñ qasında tek payğambarlar ğana mînetîn Buraq (qazaqtıñ «pıraq» sözî osıdan şıqqan) attı jüyrîk januar bar eken. Payğambar (s.ğ.s.) Jebîreyîldîñ (ğ.s.) aytuımen osı januarğa mînîp Bâytul-Maqdiske (İerusalim şaĥarına) bîr mezette jetîp baradı.

Mûnda âl-Aqsa meşîtînde onı payğambarlar (ğ.s.) kütîp otır eken. Payğambar (s.ğ.s) olarğa imamdıq etîp, bîrge namaz oqidı. Bûl –onıñ (s.ğ.s.) jalpı payğambarlardan artıqşılığına dâlel.

Sosın Jebîreyîl (ğ.s.) perîştemen bîrge kökke köterîledî. Bîrînşî aspanğa şıqqanda Adam payğambarmen (ğ.s.) kezdesedî. Ekînşî aspanda İsa jâne Jaqiya payğambarlarmen (ğ.s.) jolığadı. Üşînşî aspanda Jüsîp payğambardı (ğ.s.) köredî. Törtînşî aspanda Idırıs payğambarğa (ğ.s.) kezîgedî. Besînşî aspanda Ĥarun payğambardı (ğ.s.) köredî. Altınşı aspanda Mûsa payğambarğa (ğ.s.) jolığadı. Jetînşî aspanğa köterîlgende Mekkedegî Bâytulla – Qağbanıñ dâl üstînde ornalasqan Bâytul-Mağmurdı, oğan qajılıq jasap jatqan san mıñdağan perîştelerdî köredî. Osı jerde arqasın Bâytul-Mağmurğa süyep otırğan İbraĥim (ğ.s.) payğambardı köredî. Sosın âlemderdîñ şegî – Sidratul-Muntaĥağa («Şektîñ Lotosı») baradı.

Osı jerde Jebîreyîl perîşte (ğ.s.) toqtap, Payğambarğa (s.ğ.s.): «Endî sen alğa jürseñ ötesîñ, al men jürsem küyîp ketemîn», – dep osı jerde qalatındığın aytadı. Payğambar (s.ğ.s.) odan ârî eşbîr jaratılıs iesî basıp körmegen orınğa jalğız özî barıp, Rabbısımen söylesedî. Alla Tağala osında namazdı parız qıladı.

Payğambar (s.a.s.) osı İsra jâne Miğraj oqiğasın basınan bîr-aq tünde keşîredî. Ol tañerteñ jinalğan qauımğa tünde bolğan keremet mûğjizanı âñgîmelep bergende keybîreuler senîp, al dûşpandar men keybîr iman keltîrgenderdîñ özî bûlay boluı mümkîn emes dep mûğjizanı terîstep, senîmderînen şığıp ketedî.

fatua.kz
date12.04.2018readCount864printBasıp şığaru