«İslam jâne Ûlı Dala örkenietî» konferentsiyasınıñ ündeuî

Bîz, «İslam jâne Ûlı dala örkenietî» attı konferentsiyağa qatısuşılar, tarihşı ğalımdar Qazaqstan mûsılmandarı dîni basqarmasınıñ ruhani saladağı igî bastamalarına, atap aytqanda, halqımızdıñ dîni sanasınıñ qalıptasuında İslam dînînîñ, onıñ îşînde sunittîk hanafi mâzĥabınıñ rölîn arttıru, İslamnıñ qazaqstandıq dâstürlî ülgîsîn damıtu, ruhani bîrtûtas qoğam qûru ideyasına bîrauızdan qoldau bîldîremîz.

Qazaq topırağınan şıqqan tanımal dîni tûlğalardıñ eñbegîn nasihattau, jastardıñ dîni közqarasınıñ radikaldanuına jol bermeu, türkî-mûsılman jûrtşılığınıñ İslam dînîn qabıldauına erekşe ıqpal etken Q.A.Yassauidîñ şığarmaların öskeleñ ûrpaqqa önege etu, dîn men dâstürdî jañğırtu – bügîngî künnîñ kezek küttîrmeytîn mâselelerînîñ bîr parası dep sanaymız.

Qazaq halqı ğasırlar boyı ûrpaqtan-ûrpaqqa jalğasıp kele jatqan ata dînî – İslamdı sanalı türde jürek qalauımen qabıldadı.

Baytaq dalanıñ tûrğındarı ruhani negîzderîn İslamnan tauıp, dînnîñ adamgerşîlîk qûndılıqtarın boyına sîñîrîp, özderînîñ salt-dâstürîn, âdet-ğûrıptarın bayıta tüstî.

Ejelgî Mâurennahr – İslamnıñ taralu aymağı ğana bolıp qalğan joq. Sonımen qatar, asıl dînîmîzdîñ damu, örkendeu ortalığına aynaldı. Mûhammed âl-Bûhari, Âbu Hanifa, Âbu Mansûr âl-Maturidi, Âbu Nasır âl-Farabi, Âbu Âli ibn Sina, Âbu Rayhan âl-Biruni, Jüsîp Balasağûni sındı ğûlama-ğalımdar, oyşıldar âlemdîk İslam örkenietîne ölşeusîz üles qostı. Osılayşa, qazaq topırağında islamdıq dâstürlî ağartu mektebî qalıptastı.

Bîz İslam jâne beybîtşîlîktîñ – egîz ûğım ekenîn aytudan jâne osınau ûlı ûğımdardı ûrpaq sanasına sîñîruden eşqaşan jalıqpauımız qajet. Qazaqstan Respublikasınıñ Tûñğış Prezidentî Nûrsûltan Nazarbaevtıñ «Ruhani jañğıru» bastaması der kezînde jüzege asqan keşendî bağdarlama dep bağalaymız.   

Bügîngî konferentsiyanıñ negîzgî ideyasına aynalğan dîni tanım men sal-dâstürîmîzben üylesken ortaaziyalıq dîni mektebîmîzdî jañğırtıp, bîrtûtas mûsılman ümbetîn qalıptastıru bastamasın qûptaymız. Osı rette barşa mûsılman qauımdı dîn atın jamılıp, soqır senîmge jeteleytîn, dîndî ozbırlıq âreketter men sayasi jâne jeke müddeler üşîn paydalanudı közdeytînderge îlespeuge şaqıramız.

Bîz konferentsiyağa qatısuşılar, Qazaqstan azamattarın qoğamda jalpığa ortaq adamgerşîlîk qûndılıqtardıñ nasihattaluına, tarihi dînîmîzdî kelesî ûrpaqqa dûrıs jetkîzuge, ûlttıq mâdenietîmîz ben dâstürîmîzdî jañğırtuğa belsendî türde üles qosuğa ündeymîz.

Konferentsiyağa Qazaqstannıñ Bas müftiî, Oñtüstîk Qazaqstan oblısı âkîmşîlîgînîñ lauazımdı basşıları, QMDB Ğûlamalar Keñesînîñ müşelerî, dîn qızmetkerlerî qatıstı

Türkîstan qalası 24 qañtar 2018 jıl

date25.01.2018readCount1352printBasıp şığaru