Şetkî qantamırlar jûmısın jaqsartu jattığuları

Qızmet babında ârtürlî jağdayğa baylanıstı adam qattı küyzelîske ûşıray beredî. Ol tîptî bolımsız nârseden de tuındauı mümkîn. Solay bolsa da adamnıñ jüyke jüyesîne ülken salmaq tüsîp, özînîñ qalıptı jağdayınan şığıp, qan qısımı köterîlîp, tamır soğuı jiîlep, jürek tûsı şanşuı ıqtimal. Ârine, jiî qaytalana beretîn terîs emotsiyalıq qûbılıstar îz qaldırmay ketpeydî. Sondıqtan adam özînîñ boyınan joğarıda körsetîlgen jaylar bayqalsa, qalayda bûğan köñîl audaratın jattığular jiıntığın orındauğa kîrîskenî jön. Sonda ğana adamnıñ aşu-ızası tarqap, jûmıs qabîletî artıp, densaulığı qalpına keledî. Sonday jattığulardıñ bîrî şetkî qantamır jûmısın jaqsartu bolıp tabıladı.

1.Ayaqtıñ ûşımen 9-10 ret köterîledî.

2.Otırıp ne tûrıp ökşeden ayaqtıñ basına jâne kerîsînşe ayaqtıñ basınan ökşege salmaq tüsîredî.

3.Bîr qolmen qabırğağa süyene tûrıp, jüreden otırıp jüredî. 8-10 ret qaytalanadı.

4.Bîr ayaqtı ekînşî ayaqqa ayqastıra salıp, baltırdıñ bûlşıqetîn sipap, ısqılaydı.

5.Jûdırıqtı qattı aşıp-jûmıp sîlkîleydî.

6.Qoldıñ ûşın bîlezîk buınınan aynaldıradı.

7.Qoldı üstel üstîne qoyıp, sausaqtardıñ arasın alşaqtatıp, qayta bîrîktîredî. 3-4 ret qaytalaydı.

8.Qoldıñ ûşınan iıq buınına deyîn ügîp, uqalaydı.

Terîs emotsiyalıq qûbılıspen küresu

Qattı renîşten soñ jüyke jüyesîn qayta qalpına keltîru üşîn bûlşıqetterdî küşpen şirıqtıratın jattığular qajet. Bûl üşîn osığan layıqtı jeke bölme nemese arnayı bûrış bolğanı jön. Ol jerde gantel, espander, velostanok nemese bokske arnalğan îşîne maqta tolı dop t.b. boluı kerek.

1. Eger arnayı bölme bolsa, 15-20 sekundtay jıldam, ekpînmen jüru kerek.

2. Boksşınıñ jattığuı kezîndegîdey, qoldı qattı sermep, qimıldaydı.

3. Jûdırıqtı tüyîp, qoldı keudege ûstap, ekî jaqqa sîltep laqtırğanday qimıl jasaydı. Qoldı tömen salbıratıp, bosañsıtadı.

4.Qoldı orındıqqa tîrep, ayaqtı tüzu ûstap, denenî bîrneşe ret tömen tüsîrîp, joğarı köteredî.

5. 8-10 ret jüreden otırıp-tûradı. Joğarı köterîlgende qoldı sozıp, demdî îşke tartadı. Tüsîrgen kezde demdî sırtqa şığaradı.

6. Otırğan qalıpta espanderdî âr jaqqa qûşaq jaya tartadı.

Osınday profilaktikalıq âdîs adamnıñ qajığan jüyke-tamırın qalpına keltîrîp, densaulıqtı saqtauğa tolıq mümkîndîk beredî.

G. İkîmanova
date05.01.2018readCount1386printBasıp şığaru