Aqıl tîsîn jûlu qajet pe?

Aqıl tîsî – qatardağı 8-î tîs nemese, qarapayım aytqanda, tamaqtı qalıptı şaynauğa arnalğan adamdağı bûrınnan qajet emes «segîzdîk». Olar 12-den 25 jas aralığında jarıp şığa bastaydı jâne tek, osı kezeñderden bastap qana köbîne onı jûluğa keñes beredî. Bîraq bûl sonday qajet pe?

Qanday jağdayda aqıl tîsîn JÛLUDIÑ QAJETÎ JOQ

- Eger olar sau bolsa (tîsjegî joq, tîs aynalasındağı qızıliek jiegî auırmasa).
- Tolıqtay jarılıp şıqqan.
- Dûrıs ornalasqan: körşî tîsterdîñ qalıptı jûmıs îsteuîne kedergî keltîrmeydî.
- Kündelîktî auız quısınıñ gigienalıq tazalau kezînde olar oñay tazalanadı.

Qanday jağdayda aqıl tîsîn JÛLU QAJET

- Tîstî tolıqtay qızıl iek japqan, bîraq jarıp şığa almaydı. Bûl jağdayda olar, öz kezegînde körşî tîsterdîñ tübîrîn qûrtarlıq îrîñ kernegen îsîkke aynaluı mümkîn.
- Tîs tolıqtay jarıp şıqpağan. Gigienalıq jaqtan qiındıq tudıradı, artınşa bakeriyalardıñ köptep jinaluınan auız quısınıñ türlî aurularına âkep soğadı.
- Eger tîske orın jetkîlîksîz bolsa (körşî tîster öte tığız ornalasqan), onda jarıp şıqqan aqıl tîsî körşî tîsterdî zaqımdauğa tâuekel jasaydı.
- Eger sîz aqıl tîstîñ mañayınan auırsınu sezseñîz.
- Köp jağdayda aqıl tîstîñ mañayındağı jûmsaq tînderî jûqpalanğan boladı.
- Îsîk qalıptasqan jağdayda.
- Qızıl iek qabınsa.
- Körşî tîsterde tîsjegî payda bolıp, olar qûrtıla bastasa.

Eger sîz tîs dârîgerîne jiî qaralıp jâne jaq süyegînîñ rentgen suretîn jasatıp tûrsañız, onda sîzge aqıl tîsîn jûldırudıñ qajetî joq. Bûl orayda sîz aqıl tîsînîñ dûrıs öspeuîn erterek bîle alasız jâne tîs jûldıru otasımen aldın aluğa boladı. 25 jastan keyîn barlıq süyek tînderî tolıqtay qalıptasatındıqtan, tîstî jûlu kürdelîrek jâne tînderdîñ jazıluı bayau bolatındıqtan dârîgerler tîs jûldıru otasın erterek jasatuğa keñes beredî.

date22.11.2017readCount2304printBasıp şığaru