Tozaqtıñ basım köpşîlîgî – âyelder

Tozaqtıqtardıñ kösemderî

Jannat tûrğındarınıñ dârejelerî ârtürlî bolğanınday, tozaqtıqtar da özara dârejelerge bölînedî, olardıñ kösemderî boladı. Tozaqtıñ kösemderî kîmder? Olar – bûl düniede adamdardı küpîrlîk pen adasuşılıqqa bastağandar. Olar jayında Alla tağala: «Olardı tozaqqa şaqıratın basşılar ettîk. Olarğa Qiyamet künî jârdem körsetîlmeydî», – degen.

Tozaqtıq kösemderdîñ jın taypasına jatatındarınıñ eñ ülkenî – Îbîlîs malğûn, al adamdar arasındağı eñ îrîsî – perğauın. Alla tağala Îbîlîs jaylı: «Şın mânînde, şaytan öz tobın tozaqtıqtardan boluğa şaqıradı», – dese, zalım perğauın turalı onıñ Aqırettegî jağdayın bayandap: «Ol Qiyamet künî elînîñ aldına tüsedî de, olardı tozaqqa bastap baradı. Ol tüsetîn nendey jaman orın!» – deydî.

Tozaqtıñ basım köpşîlîgî – âyelder

Âyelderdî tozaqtan saqtandırğan Payğambar (s.a.s.): «Ey, âyelder qauımı, sadaqa berîñder! Men tozaqtıqtardıñ köpşîlîgînîñ senderden ekenîn kördîm», – degen. Sonda âyelder: «Ol ne üşîn, ua, Allanıñ elşîsî?» – dep sûraydı. Payğambar (s.a.s.): «Qarğıstı köp aytasıñdar, küyeuge qarsı kelesîñder», – deptî.

Tağı bîr hadiste Alla elşîsî (s.a.s.): «Tozaqtı kördîm... jâne onıñ tûrğındarınıñ köpşîlîgî âyelder ekenîn kördîm», – degen. Sonda adamdar: «Ne sebeptî, ua, Allanıñ elşîsî?» – dep sûraydı. «Küpîrlîkterî sebeptî», – deydî. «Olar Allağa küpîrlîk qıla ma?» – dep sûraptı. Sonda Payğambar (s.a.s.): «Küyeuîne küpîrlîk qıladı, jaqsılıqqa küpîrlîk qıladı. Eger olardıñ bîrîne ömîr boyı jaqsılıq îstep kelîp, sosın senen bîr nârse körse: «(Senen) eş jaqsılıq körmedîm», – dep aytadı», – dep jauap bergen.

asyldin.kz
date26.10.2017readCount2344printBasıp şığaru