Ne ekseñ, sonı orasıñ...

Tayauda ayaulı âkemîzdî soñğı saparğa şığarıp saldıq. Öz ösietî boyınşa köpşîlîk bolıp, tuğan jerîne, anamızdıñ janına aparıp jerledîk. Âkem: "Balam, kün jılı bolsa, ösietîmdî orında.Al, qıs bolıp, jol jabılıp qalsa, ölîm qay jerde bolsa, topıraq sol jerde, qinalmay, osı Almatığa qoya sal", - deytîn. Osı bîr ösietîn orındap jürîp, köp nârsenîñ kuâsî boldım...

Alla Tağala Qûranda:

"Sonda kîm tozañnıñ tüyîrînîñ salmağınday jaqsılıq îstegen bolsa, ol onı köredî. Al jâne kîm tozañnıñ tüyîrînîñ salmağınday jamandıq îstese, onı köredî"[1], - dep bûyırğan. Atam qazaq: "Ne ekseñ, sonı orasıñ", - dep aytqanday, îstegen îsîmîzdîñ jaqsılığı men jamandığın ekî düniede de köredî ekenbîz.

Bîrînşîden, köpşîlîk âkemdî jerlep bolıp, soñınan Qûranın oqıp, qaytqanşa qozğalmay küttî. Kezînde toqsanınşı jıldarı auılımızda imam bolıp jürîp, osınday jerleu râsîmînde soñına qaramay, qaytuğa asıqqandardı toqtatıp, tırısuşı edîm... Al, qazîr târtîppen jerleydî eken.

Ekînşîden, kezînde marqûm şıqqan üyden jerleytîn künî mal soyğızudı toqtatqan edîk. Ârine, alıstan kelgenge asın berîp, al jergîlîktî halıq zirat basınan kelîp, şâyğa arnalğan  dastarhanğa ğana dûğa jasaytın. Keyînîrek, bûl ürdîs bîraz jıl bûzılıp, osı bîr jılday uaqıttan berî bûrınğı târtîppen orındalatın bolıptı. Rasında, kârî bolsın, jas bolsın ölîmnîñ atı ölîm. Kîm dayın otıradı?

Payğambarımız (Allanıñ salauatı men sâlemî oğan bolsın) Jağfar (Alla odan razı bolsın) esîmdî sahabası dünieden  ozğanda: "Jağfardıñ üyîne tamaq  aparıp berîñder. Onıñ otbasında şûğıldanatın îs bolıp qaldı", - dep aytıp, qaza bolğan janûyağa kömektesuge şaqırğan eken[2].

Sondıqtan, jerleu râsîmî barlıq jerde bîr târtîppen orındalsa, nûr üstîne nûr boladı. Âytpese, qazağa qayğırıp, dûğada bolğannıñ ornına, janazağa soyatın mal îzdep, sonımen şûğıldanuda boladı. Al, şariğatta körsetîlgendey, marqûmnıñ düniesînîñ üşten bîrî mölşerînde marqûmdı qoyğan 3 künnen  keyîn, qay uaqıtta bolsın sadaqa berse, tıyım salmaydı.

Onıñ özîn de ısırapşıldıqqa boyûsınbay, qarızdanbay berîlu kerek. Osı târtîppen âkemîzdî de şığarıp saldıq.

Üşînşîden, osı dîn jolına tüskelî talay adamnıñ tuısın soñğı saparğa şığarıp, Qûranın oqıp jüruşî edîm... Qarap otırsam, âkemîzdî jerlegende  Astanadan kelgen Sâduaqas qari dosım janazasın şığarıp, Qûranın da bastan ayaq özî oqıdı. Alla razı bolsın, Qarekeñnîñ keluî tek bîzdîñ janûyamızğa ğana emes, audan halqına da bîr quanış boldı.

Jaratqan İemîz elîmîzdîñ âr şañırağınan qari şığuğa jazsın!

Osılayşa, âkemîzdî jerlep jürîp "qaza köppen bölîsse, azayadı" degen qağidanıñ kuâsî boldıq. Alla âkemîzdîñ jatqan jerîn peyîştîñ bîr baqşası etsîn!


[1] «Zîlzâlâ» süresî, 7-8 - ayat

[2] Tirmizi: 998

date09.06.2017readCount3662printBasıp şığaru