Qorıldaudan qûtılu joldarı

Qorıldaudıñ özîñ üşîn de, qasıñdağı adam üşîn de jağımsız jağı köp ekenî ras. Qasıñızdağı adamğa ûyıqtauğa kedergî jasasañız, al özîñîz mûnday «âuennen» jiî oyanıp, mazasızdanıp şığuıñız mümkîn. Eñ bastısı, qorıldau – densaulıqta kînârat bar ekenînîñ körsetkîşî.

Köbînese, artıq salmağı bar adamdar qorıldaydı. Onı sebebî  qalıñ maylı tînderdîñ auanı dûrıs ötkîzbeuînde. Salmaqtı tömendetu arqılı qorıldan qûtılıp qana qoymay, ağzağa tüsetîn jüktemesîn de azaytuğa boladı.

Eger qorıldaudıñ bastı sebebî endokrindî jüyenîñ nemese jüyke jüyesînîñ  qızmetînîñ naşarlauında bolsa, onda onı üy jağdayında emdeu mümkîn emes. Mûndayda dârîgerge qaralıp, auruhanağa jatıp emdeluge tura keledî. Eger sîz bas süyekterînîñ qûrılımı dûrıs bolmağandıqtan qorıldasañız, sîzge plastikalıq otağa jügînu qajet.

Qorıldıñ tağı bîr sebebî, mûrınnıñ bîteluî boluı mümkîn. Ondayda dârîhanada satılatın arnayı dârîlerdî satıp alıp, qoldanıñız nemese tanauıñızğa şırğanaq (oblepiha) mayınan bîrneşe tamşı tamızğanıñız jön.

Sonımen qatar, tünde ıñğaysız jatıp qalu da qorıldaudıñ sebebî boluı âbden mümkîn. Âdette adam şalqasınan jatqan kezde qorıldaydı. Bîraq, bûlay jatu dûrıs ûyıqtaudıñ bîr alğışartı bolıp tabıladı. Eger sîz şalqasınan jatqan kezde qorıldasañız, bûl densaulıqtıñ naşarlağının nemese artıq salmaqtı bîldîredî. Qanday jağday bolmasın, mûndayda qalay dûrıs jatsam degennen görî, qorıldıñ sebebîn joyğan dûrıs.

Qorılaudıñ tağı bîr sebebî şılım şegu men îşîkmdîkke âuestîk. Olar adamnıñ kömeyîndegî bûlşıqetterdî âlsîretîp, terîs âser etedî. Sondıqtan şılım şeguden bas tartqan jön. 

Ûyıqtaytın bölmedegî qûrğaq aua da qorıldıñ payda boluına âser etedî. Sondıqtan jatar aldında bölmenî jaqsılap jeldetken dûrıs.

Qorılmen küresudîñ tağı bîr jolı bar. Bûl qıtay âdîsî adamnıñ îşkî ağzasına âser etetîn erekşe nüktelerge massaj jasauğa negîzdeledî. Bîraq em nâtijelî bolu üşîn, qorıldı küşeytîp otırğan sebeptî tabu kerek. Ol üşîn, ârine, dârîgerge qaralğan dûrıs.

Sonday-aq, qorıldan qûtıludıñ dâstürlî joldarı da bar. Mısalı, oramjapıraqtıñ bal qosılğan şırını. Bîr staqanın ûyıqtar aldında îşu kerek.

Qorıldan arıludıñ tağı bîr tekserîlgen âdîsî – ân aytu. Köñîldî ârî paydalı bûl îstîñ negîzgî qızmetî – kömeydegî bûlşıqetterge küş tüsîru. Al, kömeydîñ mıqtı bûlşıqetî qorıldauğa eşqaşan jol bermesî anıq. Eger ân aytudı janıñız qalamasa, onda mına bîr tiîmdî jattığudı jasasañız boladı. Auızdıñ bûlşıqetîne salmaq tüsîrîp tûrıp, «İ» dıbısın şığarıñız. Bûl jattığudı ûyqı aldında jâne oyanğan soñ, 25-30 ret qaytalauıñız kerek.

Qorılmen kürestîñ barlıq âdîsîn qoldanıp, eşqanday nâtije körmeseñîz, lazerlî terapiyağa jügînuîñîzge boladı. Bar-joğı 15 minutqa sozılatın operatsiya qorıldı sîzge jolamaytınday etîp kömektese aladı. 

date21.12.2016readCount3922printBasıp şığaru