Köz auruın emdegîñîz kelse...

Qazîrgî tañda  âlem boyınşa ârbîr üşînşî adam köz auruına şaldıqqan körînedî. Onıñ îşînde alıstan körmeu auruı beleñ alıp otır. Atalmış aurudan, âsîrese, jasöspîrîmder jağı qattı zardap şegude. Ârine, tehnikanıñ mısı basıp tûrğan zamanda közge köñîl bölmese, dertke qalay  kez bolğanıñdı özîñ de bîlmey qalasıñ. Sondıqtan, der kezînde aurudıñ aldın alu üşîn köz bûlşıqetîn nığaytıp, dûrıs tamaqtanıp, kompiuterde otıru, teledidar köru, kîtap oqu uaqıtın belgîleu öz aldına, qoldan kelgenşe jaqsı körudî jaqsarta tüsetîn jattığular jasap tûrğan jön.

1-jattığu.
Közdî 5-6 sekund boyı jıpılıqtatıp tûru kerek. Azdağan üzîlîsten soñ jattığudı qaytalañız.

2- jattığu.
Közdî jûmıp, 3-5 sekundtan keyîn qayta aşıñız. Jattığudı 6-8 ret qaytalap körîñîz.

3-jattığu.
Tûrıp orındalatın jattığu. Qolıñızdı aldıñızğa sozıp, sûq sausağıñızğa qarañız. Sausağıñız ekeu bolıp körîngenşe közîñîzdî taydırmastan özîñîzge qaray bayau jaqındatıñız. Jattığudı 6-8 ret jasañız.

4-jattığu.
Bastı qozğamay, joğarı-tömen qarañız.  8-12 ret qaytalanadı. 

5-jattığu.
Moynıñızdı bûrmastan oñğa, odan keyîn solğa qarañız. 8-12 ret qaytalañız. 

6-jattığu.
Şıntağıñızdı üstelge tîrep, alaqandarıñızben közderîñîzdî jabıñız. Jattığu ûzaqtığı – minut. Künîne 2-3 ret jasau  qajet. Alaqanıñızdan tarağan jılu men qarañğılıq közdîñ şarşağanın basadı.

7-jattığu.
Ekî qolıñızğa  da  qarındaş alıñız. Bîreuîn közîñîzden 15 sm qaşıqtıqta tîk ûstañız. Ekînşîsîn aldıñğı qarındaştıñ qaşıqtığında ûstañız. Endî nazarıñızdı bîrînşî qarındaşqa salıñız da közîñîzdî jûmıp-aşıñız, keyîn, közqarasıñızdı ekînşî qarındaşqa audarıñız. Jattığu künîne ekî ret jasalınadı.

8-jattığu.
Ekî ayağıñızdı bîr-bîrînen alşaq qoyıp, bîr jağıñızdan ekînşî jağıñızğa qaray bûrılıñız. Alıstau tûrğan bîr nârsege  qadala qarap,  kîrpîkterîñîzdî qağıñız. Jattığudı 50 ret qaytalañız.

Îske sât!

date25.11.2016readCount6218printBasıp şığaru