old.muslim.kz Әйел адам «тәшәһһудте» қалай отырады? - Muslim.kz
Әйел адам «тәшәһһудте» қалай отырады?

Тәшәһһуд отырысында әйел адам екі аяғын бүгіп оң жағына жібереді. Яғни, сол жақ аяғын оң жақ санының астынан өткізіп, бір жақ жамбасына отырады [1]. Мұндай отырыс әйел табиғатына сай әрі жинақы көрінеді. Мұны «тәуәррүк отырысы» дейміз [2]. Бұған төмендегі хадис дәлел бола алады:

Абдулла бин Омар (р.а.) риуаят еткен бір хадисте ардақты Пайғамбарымыз (с.а.у.): «Әйел баласы намазда сол жақ аяғын оң жақ санының астынан өткізіп отырады. Ал сәждеде ішін санына тигізсін. Әйел үшін осылай жинақы болады. Алла (осылай отырып оқыған әйелге) қарап періштелеріне: «Уа періштелерім! Куә болыңдар, мен бұл әйелдің күнәсін кешірдім», – дейді» деген [3]. 

[1] А.М.Туһмаз: әль фиқһуль ханафи фи саубиһиль жәдид, 1- том,226 бет.
[2] Prof.Doktor H.Donduren: Delilleriyle Islam Ilmihali, 324 бет. Стамбул.
[3] Байхақи, әс сунәнуль кубра, 2/315 бет, 3199 хадис; Илә әс сүннә, 3-том, 33 бет.
Абдусамат Қасым
date21.01.2013readCount7168categoryФиқһprintБасып шығару