Ораза аятындағы ақ жіп пен қара жіптің мағынасы не?

Ораза аятындағы ақ жіп пен қара жіптің мағынасы не?

Ассаламу алейкум! Құран Кәрімде ораза тұту жайлы аяттың бірінде «Ақ жіп пен қара жіп айырылғанша ішіп-жеңдер» делінген екен. Мұның мағынасы не?

Уа алейкум ассалам!

Құран Кәрімде: «...Әрі таңның ақ жібі қара жіптен анықталғанға дейін жеңдер-ішіңдер, кейін оразаны кешке дейін ұстап аяқтаңдар...[1]»,-деп әмір етілген. Аяттағы ақ жіп – көкжиектен созылып көрінетін таңның атуы. Ал, қара жіп – түннің қараңғылығы. Таң мен кешті жіпке теңеуінің себебі – созылып жіп сияқты боп көрінуінен[2].

Бұл жайлы мынадай хадис бар. Ади бин Хатим (р.а.): «Мен ақ және қара қос жіпті алып жастығымның астына қойдым. Екеуіне қарап қоямын, бірақ ақтан қараны ажырата алмадым. Мұны Пайғамбарға (с.ғ.с.) айтқанымда ол: «Расында сен жүрегің таза жансың. Ол таңның ағы мен түннің қараңғылығы[3]»,-деп жауап берді.

Демек, ақ жіп – таңның атуы, ал қара жіп – күн батып кештің түсуі.

[1] Бақара сүресі, 187-аят

[2] Насафи, Мадарик Танзил уә Хақаиқ Тәуил, І-том, 162-бет

[3] Бұхари, Муслим

Руслан Камбаров