Қиямнан алдын отырудың себебі неде?

Қиямнан алдын отырудың себебі неде?

Ассаламу алейкум! Намаздың әр ракағатында екінші сәждеден соң қиямға тұрар алдын аз кідіріп отырып жатады. Бұл қандай амал?

Уа алейкум ассалам!

Әр ракағатта қиямнан алдын шамалы отыру – жәлса истираха деп аталады. Жәлса истираха – демалу отырысы. Жәлса истираха – Шафиғи мазһабында сүннет. Оған негіз ретінде, Малик бин Хуайрис (р.а.): «Пайғамбардың (с.ғ.с.) намаз оқығанын және намазда бойын тіктеп отырмайынша, (қиямға) тұрмайтынын көрдім[1]», – деген хадисті дәлел етеді.

Алайда, Алла елшісінің (с.ғ.с.) намаз оқуын баяндайтын Әбу Хамид Сағиди (р.а.) риуаят еткен хадисте бұл амал айтылмағандықтан, басым көпшілік ғалымдар көзқарасында мұстахаб емес[2].

Қорыта айтқанда, Ханафи мазһабы бойынша, екінші сәждеден соң кідірмей қиямға тұрып кету қажет.

[1] Бұхари.
[2] Уаһбат Зуһайли, Ислам фиқһ энциклопедиясы, 1-том, 748-бет.

Руслан Камбаров