Су жоқ кезде қармен дәрет алуға бола ма?

Дәрет аларда жуылуы тиіс болған ағзаларды жуу парыз. Өйткені, Алла Тағала Құран Кәрімде: «Әй мүміндер! Намазға тұрарда жүздеріңді және қолдарыңды шынтаққа дейін жуыңдар. Бастарыңа мәсіх тартыңдар және аяқтарыңды екі тобыққа дейін жуындар»[1], – деген. 

Ал, су болмай, қармен дәрет алсаңыз, онда жуу парыз болған ағзаларды,  қармен ысқылағанда қар еріп, кемі екі-үш тамшы су ағуы керек. Сонда ғана дәрет жарамды болып есептеледі. Ал қармен ысқылағанда су тамшыламаса, онда ол дәрет алған болып есептелмейді.[2] Себебі, ол жуылған болып саналмайды.

[1] Майда сүресі – 6 аят.
[2] Әл Кәсәни, Бадаиғус Санаиғ, 1 –том, 92 бет.
Абдусамат Қасым
date28.12.2012readCount6103categoryҒұсыл-дәретprintБасып шығару