Кіші дәретті қыста міндетті түрде сумен тазалау қажет пе?
Әссәләмуғалейкум! Кіші дәретті қыста міндетті түрде сумен тазалау қажет пе? Әлде басқа жеңілдіктер қарастырылған ба? Себебі, күн суықта су денсаулығыма зиян бола ма деп қауіптенемін. Алдын ала рахмет!

Уәғалейкум әссәләм!

Әжетханада қажетін өтегеннен кейін екі жолдан шыққан нәжісті дәрет қағазымен, кесек таспен яки су қолдану арқылы тазалануды шариғатта «истинжа» дейді. Истинжада су қолдану сүннетке жатады. Десек те, үлкен не кіші дәрет шыққан жеріне жайылатын болса, онда сумен тазалану уәжіп болады [1]. Сондықтан да, кіші дәрет сындырғаннан кейін зәр жән-жағына, шамамен, алақанның ойығындай көлемде [2] жайылмаса, онда дәрет қағазымен ғана тазалану жеткілікті.

1. Абдуллах бин Махмуд әл-Маусулий, Ихтияр ли тағлилиль Мухтар, 1-том, 121- бет.
2. Асғат Мухаммад Сағид ас Сағиржи, әл фиқһуль ханафи уә әдилләтуһу, 1-том, 40-41 беттер.

Абдусамат Қасым
date25.12.2012readCount12356categoryҒұсыл-дәретprintБасып шығару