Тіске тағылған «брекет» дәретке кедергі ме?
Әссәләмуғалаейкум! Тіске «брекет» тағып, оны түзеттіруге бола ма? Таққысзған жағдайда дәрет толық болады ма? Тісті біркелкі түзетіп, әдемілеу  жаратылысын өзгерткендік емес пе? Алла разы болсын.  Ақбаян Батырбек

Уағалейкум ассалам!

Қисайған тіске «брекет» (тісті түзететін медициналық қапсырма) тағып, оны түзетуге шариғат тұрғысынан рұқсат. Дәретке де еш кедергісі жоқ. Біріншіден, дәретте ауызды шаю – сүннет.  Екіншіден, бұл жарақат үстіне оралған таңғыш іспетті болғандықтан әлгі қапсырмалар себепті тістің кейбір жерлеріне судың тимеуі дәретке де, ғұсылға да залалы тимейді[1]. Бұған қатысты ханафи ғұламасы Имам әл-Маусулидің де мынадай тұжырымы бар: «...Егер аяғының жарылған жеріне дәрі қойса және сол себепті теріге су жұқпайтын болса, дәрінің үстінгі бетінен судың ағуы жеткілікті»[2].

[1]Маусули, Ихтияр, 1-том, 97 бет; Таңғыш жайында толық мағлұмат білгіңіз келсе мына сілтемеге кірсеңіз болады: http://muslim.kz/kk/question/423-betime-su-tigizuge-bolmaidy-daret-alganda-ne-isteuim-kerek.html
[2]Маусули, Ихтияр, 1-том, 98 бет; Пломба жайында:http://muslim.kz/kk/question/98-plombasy-bardyn-gusyly-qalai-bolmaq.html
Абдусамат Қасым
date26.12.2013readCount8335categoryҒұсыл-дәретprintБасып шығару