Құрбандыққа шалынған малдың қай ағзасы желінбейді?

Құрбандыққа шалынған малдың қай ағзасы желінбейді?

Ассалаумағалейкум! Сіздерден сұрайын дегенім, құрбандыққа шалынған малдың барлық ағзасы жеуге жарамды ма? Ешқандай шектеу қойылмаған ма?

Уағалейкумассалам!

Жалпы, еті адал малдардың мына ағзалары желінбейді: аққан қаны, аталық-аналық мүшелері, дорба бездері, қуығы, өті. Өйткені, Алла Тағала Құранда: «..Жақсы нәрселерді олар үшін адал етіп, жек көрінішті жаман нәрселерді харам етті»[1], – дей келе, таза азықпен азықтануымызды білдіріп тұр. Ал, жоғарыдағы ағзалар, жалпы алғанда, адам табиғаты үшін ұнамсыз саналатын нәрселер. Сондықтан оларды жеу – харам[2].

Сондай-ақ, ардақты Пайғамбарымыздан келген мүрсәл бір хадисте: «Алла Елшісі қойдың мына ағзаларын (харамға жақын) мәкрүһ санайтын: аталық-аналық мүшелерін, дорбасын, бездерін, өтін, қуығын, қанын», – делінген[3].

[1] Ағраф – 157 аят.
[2] Бадаиғ –6/272 бет; Ибн Ғабидин, әл-Һадия – 194 бет.Имам Ағзам қанды – харам, ал қалғандары харамға жақын мәкрүһ деген
[3] Байһақи, әс-Сүнәнуль Кубра.

Абдусамат Қасым