Ифтитах тәкбірінде басбармақты құлақтың сырғалығына тигізудің дәлелі бар ма?

Ифтитах тәкбірін айтарда ер кісілерге екі қолын құлақтың деңгейіне дейін, яғни бас бармақтарын құлағының жұмсақ сырғалығына келетіндей мөлшерде көтеру – сүннет[1]. Мұны орындаудың ең дұрыс жолы – бармақты құлақ сырғалығына тигізу[2].

Абдужаббар бин Уәил (р.а) әкесінің мына сөзін риуаят етеді: «Алла Елшісі (ифтитах) тәкбірін тартқан кезде екі қолын иық тұсына көтеретін. Сонда бас бармағы құлақ сырғалығының тұсына келетінін көретінмін», –дейді[3]. Бұл хадисті Нәсәи өзінің «әс-Сүнәнуль кубра» атты еңбегінде «сахих», яғни «дұрыс» деп бағалаған.

[1] Марғинани, Хидая , Бабу Сыффатис Сала – 1/307 бет
[2] Мәйдани, Любаб – 1/67 бет.
[3] Нәсәи, Ифтитах тәкбірі – 459 бет/365 баб/958 хадис.; Әбу Дауд – 724 хадис. Хасан
Абдусамат Қасым
date24.05.2013readCount6058categoryФиқһprintБасып шығару