Ер адамның әттәхиятта әйелдер секілді отыруы дұрыс па?

Ер адамның әттәхиятта әйелдер секілді отыруы дұрыс па?

Ассаламуғалейкум! Мешітке намаз оқуға барғанда саптағы кейбір мұсылман бауырларымыз әттәхият кезінде әйелдер секілді аяғын бір жағына жіберіп, бір жамбасына жантайып отыратынын байқаймын. Сонда олай да отыруға бола ма? Дұрысы қайсы?

Уағалейкумуссалам! Ханафи мәзһабы бойынша, ер кісілер сәжде отырыстары мен әттәхият (тәшәһһуд) отырыстарында сол аяғын жамбасының астына басып, оң аяғын тік ұстап, бақайларын құбылаға қарату керек. Бұл – сүннет[1]. Яғни, Пайғамбарымыздың намаздағы әттәхият отырысына сай. Бұл жайында сахаба Уә`иль бин Хужр былай дейді:
«Мен Медине қаласына келгенімде өз-өзіме «ардақты Пайғамбарымыздың намазын оқуын көруім керек» дедім. (Барып қарағанымда) Ол (с.а.у.) тәшәһһудте сол аяғын жерге жатқызып, оң аяғын (бақайларын құбылаға қаратып) тік ұстады[2]».

[1] М.Исаұлы, Қ.Жолдыбайұлы: Ғылымхал – 160 бет. Алматы.;
АбдульХамид Туһмаз, әл фиқхуль Ханафи – 1/225 бет.
[2] Тирмизи, «Кәйфаль Жулусу фит Тәшәһһуд» – 292 хадис;
Әбу Дәуд, 179 баб, 957 хадис.

Абдусамат Қасым