29 наурыз 2023, ср., 22:53
Мұсылман және уақыт
Дінмұхаммед Сманов
Үйімде зағип бар
Халиме Карабулут
Астана қаласындағы «Зекет» қоры өкілдігінің «Қарттар мен мүгедектерге арналған медициналық-әлеуметтік мекемесінде» Рамазан айында ауызашар дастарханын жайып, ардагер ақсақалдарымызға құрметк көрсетіп келе жатқанына бірнеше жылдың жүзі болды. Биылғы жылы қор қызметкерлері дәстүрлі игі шараны жалғастырып, кеше Қарттар үйінде болып қайтты.
Қор директоры Ибрагим Сматаев бастаған топ орталықтағы қарияларға арнайы ауызашар дастарханын жайып, қасиетті Рамазан айының мерекелік мейірін сезіндіруге тырысты. Сондай-ақ, орталықтағы жүруге жағдайы жоқ қарттардың бөлмелеріне бас сұғып, гүл шоқтары мен сый-сияпаттарын үлестіріп қайтты. Бұған қоса, Қарттар үйінің асханасына азық-түлік қорын тарту етіп, сауапты іске себепкерлік танытты.
Қор қызметкерлерінің көрсеткен құрметі мен жасаған сауапты істеріне Қарттар үйінің басшылығы да ризалығын білдіріп, алғыстарын жеткізді. Орталықтағы асхана меңгерушісі Эльмира Зиналқызы дастархан басында орталық атынан арнайы алғыс білдірді.
