old.muslim.kz Өзбекстандағы мешітте кәсіпкердің 40 мың доллары ұрланды - Muslim.kz

Өзбекстандағы мешітте кәсіпкердің 40 мың доллары ұрланды

Өзбекстандағы мешітте кәсіпкердің 40 мың доллары ұрланды

Өзбекстанның Қашқадария облысындағы мешітте жергілікті кәсіпкердің шамамен 40 мың доллары ұрланған. Құқықорғау органдары екі күдіктіні қолға түсірді, деп хабарлады Өзбекстан ІІМ баспасөз қызметі.

Ресми мәлімет бойынша, Қашқадария облысындағы Шахрисабз қаласының ішкі істер басқармасына жергілікті бір кәсіпкер 38,7 мың доллары ұрланғаны туралы шағым түсірген. Ақша қол сөмкеде болған.

«Жәбірленуші ақша салынған қол сөмкесін жергілікті мешіттердің біріндегі жуынатын бөлмеде тастап кеткен. Қайтып келіп, сөмкенің ұрланғанын білген», - делінген хабарламада.

ІІМ мәліметі бойынша, шұғыл іздестіру шаралары нәтижесінде екі күдікті - Бұхара облысы мен Ташкент қаласының тұрғындары ұсталды.

Қылмыстық іс қозғалды. Тергеу жалғасып жатыр. Ұрлық жасаушы бес жылға дейін бас бостандығынан айрылуы мүмкін.

date25.04.2018readCount959printБасып шығаруsourceLinkcentralasian.org





comments powered by HyperComments