Орталық мешіт күзетшісі ауыр соққыдан қаза тапты

Петербург Орталық мешітінің күзетшісі кеше есін жимаған қалпы аурухана төсегінде жан тапсырды. 71 жастағы қария жақын жердегі Марин ауруханасына бас сүйек-ми зақымы және ми жаншылуы деген анықтамамен жеткізілген болатын.

Қазіргі уақытта қайғылы оқиғаның мән-жайын анықтау үшін арнайы топ құрылып, тергеу жұмыстары жүргізіліп жатыр. Мешіт күзетшісіне 1997 жылғы жас жігіт тап беріп, ауыр соққының астына алған. Дегенмен, оқиға орнынан ұзамастан тәртіп сақшыларының қолына түскен. Қылмыстық әрекетін мойындаудан бас тартқан оның психиатриялық ауытқушылық тізімінде тұратыны белгілі болған.