Әлемнің ең қайырымды мемлекеті анықталды

Экономикалық ынтымақтастықты дамыту ұйымы қайырымды мемлекеттердің кезекті тізімін жариялады. Әлем бойынша қайырымдылық шараларын ұйымдастырып, гуманитарлық көмектерін аямаған жомарт мемлекеттердің тізімін әдеттегідей Біріккен Араб әмірліктері (БАӘ) иеленіп отыр.

Ұйым ұсынған мәліметке сүйенсек, БАӘ былтырғы жылы әлемнің 147 мемлекетіне 19 млрд доллар көлемінде көмек көрсеткен. Айта кетерлігі, бұл көрсеткіш БҰҰ бекіткен мөлшерден екі есеге асып кеткен.

Аталмыш қаржының 43 пайызы Азия елдеріне берілсе, 28 пайызы Африка мемлекеттеріне бөлінген. Ал, қалған 23 пайызы Еуропа мемлекеттеріне жұмсалған.