Бұқар жырау Қалқаманұлы - Жаман болса алғаның [аудио]

Қара арғымақ арыса, 
Қарға адым жер мұң болар.
Есіл көзден нұр тайса,
Бір көруге зар болар.
Бетпақты сайға су түссе,
Атың арып келгенде
Өткел бермес кешерге.
Қайырсыз итке мал бітсе,
Аңқаң құрып келгенде
Саумал бермес ішерге.
Жаман болса алғаның,
Һәммәтлі туған есіл ер,
Киім тіксе ол қатын,
Жалғасы кетер көнтиіп,
Етегі кетер салпиып,
Үлгі болмас пішерге.

Бұқар жырау Қалқаманұлы

Жүктеп алу:   .MP3
comments powered by HyperComments