Денсаулыққа қатерлі 6 дәрі-дәрмек

Мамандардың есептеулеріне қарағанда, 2020 жылға қарай Жер шарындағы адамдардың 50 пайызы бүкіл өмір бойы кем дегенде бір дәріні қолданатын болады.

Қазірдің өзінде 65 жастан асқандар кем дегенде 2-3 дәріні қолданады. Әрине, олардың әрқайсысы белгілі бір дертке қарсы қолданылатын ауруға қарсы көмектесуші құрал болғанымен, олардың зиянды жақтары өте көп екені жасырын емес. Тіпті, бір-бірімен араластырып ішуге болмайтын дәрі-дәрмектер де болады. Қандай дәрілерді мамандар ең қауіпті деп санайды? Осыған тоқталайық.

Ең біріншіден, бәрімізге белгілі «антибиотиктерді» осы тізімге жатқызуға болады. Кейде өз-өзіміздің нұсқаулығымызбен антибиотик дәрі-дәрмек алып, емделмекші боламыз. Алайда, бұл препараттарды жиі қолданған сайын ағзаның микробтарға қарсы күші әлсірейтінін ұмытпаған жөн.

Глюкокортикоидтер бұл гормоналды препараттар. Оларды дәрігердің нұсқаулығынсыз жиі қолдану қант диабетіне шалдықтыруы мүмкін.

Ауруды жеңілдететін, ыстықты төмендететін дәрі-дәрмектер. Оларды жиі пайдалану созылмалы бүйрек ауруына, асқазан аурына шалдықтыруы мүмкін екен.

Вирусқа қарсы дәрі-дәрмектер. Тұмауға қарсы жасалатын дәрілер токсиндік қиындықтар тудыруы мүмкін.

Иммундық модуляторлар – көптеген мемлекеттерде дәрігер нұсқаулығынсыз сатып алуға тыйым салынған препараттар. Мұндай дәрілерді жиі қолдану адамның иммундық жүйесінің қалыпты жұмыс істеуіне кедергі келтіреді. Мамандардың айтуынша, тіпті обыр ауруларына да әкеп соқтыруы мүмкін.

Мұрынға тамызуға арналған тамшылар. Бұлардың адамның мұрынындағы шырышты құрғатып, қышу, ашыту сияқты ыңғайсыз жағдайлар тудырады. Оны қолданғаннан кейін адамда бас аруы немесе жүйкесінің сыр беруі сынды проблемалар туындауы мүмкін, тіпті  артерилдық гипертония мен ұйқысыздыққа шалдықтыруы ғажап емес.

qamshy.kz
date02.04.2018readCount987printБасып шығару