Умму Сүләймнің (р.а.) теңдессіз мәһрі

Әнәс ибн Мәлік (р.а.) өгей әкесі Әбу Талха (р.а.) мен анасы Умму Сүләймнің (р.а.) некелесуін былай деп әңгімелейді. 

«Әбу Талха Умму Сүләймге құда түсті. Умму Сүләйм: «Уа, Әбу Талха! Сен сияқты адам кері қайтарылмайды. Алайда, сен кәпір адамсың. Ал, мен мұсылман әйелмін. (Сондықтан) саған күйеуге шыға алмаймын. Егер мұсылманшылықты қабыл етсең, сенен алатын мәһрім[1] сол болсын. Сенен басқа нәрсе сұрамаймын», – дейді.

Әбу Талха (р.а.) ұсынысты қабыл алып, мұсылман болды. Умму Сүләймнің мәһірі осы болды[2].


[1] Мәһр – некелесу барысында немесе кейін өтеу шартымен келісілген қалыңдыққа берілетін дүние-мүлік немесе ақша.
[2] Усдул-Ғаба, 2-том, 361-бет

date10.11.2016readCount4495printБасып шығару